ಅಹಿರಬಂಧ್ ಜಗನ್ನಾಥ್ ದೇವಾಲಯವು ರೌರ್ಕೆಲಾದ ಅತ್ಯಂತ ಪ್ರಸಿದ್ಧ ಆಕರ್ಷಣೆಗಳಲ್ಲಿ ಒಂದು. ಹೆಸರೇ ಸೂಚಿಸುವಂತೆ ಇದು ಜಗನ್ನಾಥ್ ಸ್ವಾಮಿಯ ದೇವಾಲಯ. ಇಲ್ಲಿ ಜಗನ್ನಾಥ ಸ್ವಾಮಿಯ ಜೊತೆಗೆ ಬಲ ಭದ್ರ ಮತ್ತು ಸುಭದ್ರಾದೇವಿಯರನ್ನು ಸಹ ಪೂಜಿಸಲಾಗುತ್ತದೆ. ಈ ದೇವಾಲಯವು ರೌರ್ಕೆಲಾ ನಗರದ ಕೇಂದ್ರ ಭಾಗದಿಂದ 1 ಕಿ.ಮೀ ದೂರದಲ್ಲಿರುವ ಅಹಿರಬಂಧ್ ಎಂಬ ಸಣ್ಣ ಹಳ್ಳಿಯಲ್ಲಿ ನೆಲೆಗೊಂಡಿದೆ. ಈ ದೇವಾಲಯವನ್ನು 1975ರಲ್ಲಿ ನಿರ್ಮಿಸಲಾಯಿತು. 90 ಅಡಿ ಎತ್ತರವಿರುವ, ಮಂತ್ರ ಮುಗ್ಧಗೊಳಿಸುವಂತಹ ವಾಸ್ತುಶಿಲ್ಪವನ್ನು ಈ ದೇವಾಲಯವು ಹೊಂದಿದೆ.
ಈ ದೇವಾಲಯವು ಹಲವು ಬಗೆಯಲ್ಲಿ ಪೂರಿ ಜಗನ್ನಾಥ್ ದೇವಾಲಯವನ್ನು ಹೋಲುತ್ತದೆ. ಅಹಿರ ಬಂಧ್ ದೇವಾಲಯದಲ್ಲಿ ವರ್ಷಪೂರ್ತಿ 13 ಉತ್ಸವಗಳನ್ನು ಆಚರಿಸಲಾಗುತ್ತದೆ. ಈ ಉತ್ಸವಗಳಲ್ಲಿ ಸಹಸ್ರಾರು ಮಂದಿ ಭಕ್ತಾಧಿಗಳು ಪಾಲ್ಗೊಳ್ಳುತ್ತಾರೆ. ಈ ಎಲ್ಲಾ ಉತ್ಸವಗಳಲ್ಲಿ ರಥ ಯಾತ್ರಾ ಉತ್ಸವವು ಅತ್ಯಂತ ಪ್ರಮುಖ ಉತ್ಸವವಾಗಿರುತ್ತದೆ. ಇದನ್ನು ಅತ್ಯಂತ ಅದ್ಧೂರಿಯಾಗಿ ಆಚರಿಸಲಾಗುತ್ತದೆ. ಪ್ರವಾಸಿಗರು ಮತ್ತು ಭಕ್ತಾಧಿಗಳು ಈ ದೇವಾಲಯಕ್ಕೆ ವರ್ಷ ಪೂರ್ತಿ ಆಗಮಿಸುತ್ತಿರುತ್ತಾರೆ.