ಕ್ರಿ. ಪೂ 1882ರಲ್ಲಿ ಗೋವಿಂದಗಡ್ ಅರಮನೆಯನ್ನು ರೇವಾದ ಮಹಾರಾಜ ಕಟ್ಟಿದನು. ಈ ಅರಮನೆ ರೇವಾ ನಗರದಿಂದ ಹದಿಮೂರು ಕಿಲೋಮೀಟರ್ ದೂರದಲ್ಲಿದೆ. ಅರಮನೆಯ ಸುತ್ತಮುತ್ತ ಜಲಪಾತಗಳಿದ್ದು  ಮುಖ್ಯವಾಗಿ ಕಿಯೋಂಟಿ, ಚಾಚಾಯಿ ಮತ್ತು ಭಚೂತಿ ಅವುಗಳಲ್ಲಿ ಪ್ರಮುಖವಾದವುಗಳು. ಈ ಸ್ಥಳವು ಬಿಹಾದ್ ಮತ್ತು ಪಿಚಿಯಾ ನದಿಗಳ ಸಂಗಮ ಸ್ಥಳ. ಅತ್ಯಂತ ಆಕರ್ಷಣೀಯವಾಗಿ ಅರಮನೆಯ ಹೊರಾಂಗಣವನ್ನು ನಿರ್ಮಿಸಲಾಗಿದೆ. ಅರಮನೆಯ ಕೆಳಗೆ ಭೂಸುರಂಗವಿದ್ದು ರೇವಾದ ಮಹಾರಾಜ ಖಾಸಾಗಿ ಉಪಯೋಗಕ್ಕಾಗಿ ಬಳಸಿಕೊಳ್ಳುತ್ತಿದ್ದರು.  

ರೇವಾದಲ್ಲಿ ಕೆಲವು ದೇವಾಲಯಗಳೂ ಇದ್ದು ಅದರಲ್ಲಿ ಪ್ರಮುಖವಾಗಿ ಚೌವಾಂಡಿ ದೇವಾಲಯ, ಹನುಮಾನ್ ದೇವಾಲಯ ಮುಂತಾದವು ಅರಮನೆಯ ಸುತ್ತಮುತ್ತಲಿನಲ್ಲಿವೆ. ಈ ಅರಮನೆ ಗೋವಿಂದಗಡ್ ಸರೋವರದಲ್ಲಿ ದಡದಲ್ಲಿವೆ, ಇದನ್ನು ಭಗೇಲಾ ರಾಜರು ನಿರ್ಮಿಸಿದರು. ಅರಮನೆಯ ಒಳಗೆ ಮ್ಯೂಸಿಯಂ ಇದ್ದು ಐತಿಹಾಸಿಕ ಕಥೆಯನ್ನು ಹೊಂದಿದೆ. 1952ರಲ್ಲಿ ಬಿಳಿ ಹುಲಿಗಳನ್ನು ಈ ಮ್ಯೂಸಿಯಂನಲ್ಲಿಡಲಾಗಿತ್ತು ಎನ್ನುವ ಕಾರಣಕ್ಕಾಗಿ ಈ ಮ್ಯೂಸಿಯಂ ಹೆಸರುವಾಸಿ. ಬಿಳಿ ಹುಲಿಗಳನ್ನು ಮೋಹನ್ ಎಂದು ಸ್ಥಳೀಯರು ಕರೆಯುತ್ತಾರೆ.