ಗೋವಿಂದಗಡ್ ಸರೋವರ ಮಧ್ಯ ಪ್ರದೇಶದ ರೇವಾ ನಗರದಲ್ಲಿರುವ ಪ್ರಸಿದ್ದ ಸರೋವರಗಳಲ್ಲೊಂದು. ಗೋವಿಂದಗಡ್ ಅರಮನೆಯನ್ನು ಈ ಸರೋವರದ ತಟದಲ್ಲಿ ನಿರ್ಮಿಸಲಾಗಿದೆ ಹಾಗೂ ಇದು ತುಂಬಾ ಆಕರ್ಷಣೀಯವಾಗಿದೆ. ಸಂಪೂರ್ಣ ನೈಸರ್ಗಿಕವಾಗಿ ಮತ್ತು ಸುಂದರವಾಗಿ ಹಾಗು ಸರೋವರದಿಂದ ಸುತ್ತುವರಿಯಲ್ಪಟ್ಟ ಅರಮನೆಯಿಂದ ಸುತ್ತಮುತ್ತ ಶಾಂತರೀತಿಯ ವಾತಾವರಣವಿರುತ್ತದೆ.
ರೇವಾ ನಗರದಿಂದ ಹದಿಮೂರು ಕಿ.ಮೀ ದೂರದಲ್ಲಿ ಈ ಸರೋವರವಿದೆ. ಈ ಸರೋವರದ ವಿಹಂಗಮ ನೋಟಕ್ಕೆ ಪ್ರವಾಸಿಗರು ಮೊದಲ ನೋಟಕ್ಕೆ ಮರುಳಾಗುತ್ತಾರೆ ಅಲ್ಲದೇ ಮತ್ತೆ ಮತ್ತೆ ಭೇಟಿ ನೀಡುತ್ತಾರೆ. ಈ ಸರೋವರದೊಳಗೆ ಹಲವು ನಡುಗುಡ್ಡೆಗಳಿದ್ದು ಪ್ರವಾಸಿಗರನ್ನು ಮತ್ತಷ್ಟು ಆಕರ್ಷಿಸುತ್ತದೆ. ನೂರಾರು ಪ್ರವಾಸಿಗರನ್ನು ವರ್ಷವಿಡೀ ಆಕರ್ಷಿಸುವ ಈ ಸ್ಥಳವು ಅತ್ಯುತ್ತಮ ಪಕ್ಷಿಧಾಮಗಳಲ್ಲಿ ಒಂದು. ವಿವಿಧ ರೀತಿಯ ಹಕ್ಕಿಗಳು ಇಲ್ಲಿ ವರ್ಷವಿಡೀ ಇರುತ್ತದೆ.