ಬೊರೊಂಗ್ ಎಂಬುದು ಸಿಕ್ಕಿಂನಲ್ಲಿರುವ ಒಂದು ನಯನ ಮನೋಹರವಾದ ಗ್ರಾಮವಾಗಿದೆ. ಇಲ್ಲಿನ  ಭೂಪ್ರದೇಶ ಮತ್ತು ಪ್ರಾಕೃತಿಕ ದೃಶ್ಯ ವೈಭವವು ಪ್ರವಾಸಿಗರನ್ನು ಸೂಜಿಗಲ್ಲಿನಂತೆ ಆಕರ್ಷಿಸುತ್ತಿದೆ. ಇಲ್ಲಿ ಒಂದು ಚಾರಣದ ಹಾದಿಯು ಹಾದು ಹೋಗುತ್ತದೆ. ಇದು ನಮ್‍ಚಿಯಿಂದ ಪ್ರಾರಂಭವಾಗಿ ಟೆಂಡೊಂಗ್‍ವರೆಗು ಸಾಗುತ್ತದೆ. ಈ ಚಾರಣವು 5 ರಿಂದ 6 ದಿನಗಳ ಕಾಲ ನಡೆಯುತ್ತದೆ. ಈ ಚಾರಣದ ಹಾದಿಯು ದಾರಿಯಲ್ಲಿ ದೊರೆಯುವ ಎಲ್ಲಾ ಬೆಟ್ಟಗಳ ತುದಿಯ ಮೂಲಕ ಸಾಗುವುದು ಇದರ ವೈಶಿಷ್ಟ್ಯವಾಗಿದೆ.

ಇದರ ಜೊತೆಗೆ ಬೊರೊಂಗ್‍ನಲ್ಲಿ  ಪ್ರಸಿದ್ಧವಾದ " ಬೊರೊಂಗ್ ತ್ಸ- ಚು" ಎಂಬ ಬಿಸಿ ನೀರಿನ ಬುಗ್ಗೆಯಿದೆ. ನಂಬಿಕೆಗಳ ಪ್ರಕಾರ ಈ ಬಿಸಿ ನೀರಿನ ಬುಗ್ಗೆಯಲ್ಲಿ ಬರುವ ನೀರಿಗೆ ಔಷಧೀಯ ಗುಣಗಳು ಇವೆಯೆಂದು ನಂಬಲಾಗಿದೆ.