ಉಪತ್ ಒಂದು ಪ್ರಸಿದ್ಧವಾದ ಪ್ರವಾಸಿ ತಾಣ ಮತ್ತು ಸುಂದರವಾದ ನಗರವಾಗಿದೆ. ರಾನಿಖೇತ್ ನಗರದಿಂದ ಸುಮಾರು 5 ಕಿ.ಮೀ ದೂರದಲ್ಲಿರುವ ಈ ಪಟ್ಟಣ ಹಿಮಾಲಯದ ಸುಂದರ ದೃಶ್ಯಾವಳಿಗಳನ್ನು ಪ್ರವಾಸಿಗರಿಗೆ ತೋರಿಸುತ್ತದೆ. ಇಲ್ಲಿಯೇ ಪಕ್ಕದಲ್ಲಿರುವ 9 ಹೋಲ್ ಗಳಿರುವ ಗಾಲ್ಫ್ ಆಟದ ಮೈದಾನ ಕ್ರೀಡಾಸಕ್ತರಿಗೆ ನೆಚ್ಚಿನ ಸ್ಥಳವಾಗಿದೆ. ಇದು ಭಾರತದಲ್ಲೇ ಒಂದು ಉತ್ತಮವಾದ್ ಗಾಲ್ಫ್ ಆಟದ ಅಂಗಣ ಅನ್ನಿಸಿಕೊಂಡಿದೆ. ಅಲ್ಮೋರಾದ ರಸ್ತೆಯ ಮೇಲಿರುವ ಈ ಪಟ್ಟಣ ತನ್ನ ಸುತ್ತಲೂ ಇರುವ ಹಚ್ಚ ಹಸಿರಿನಿಂದ ಮತ್ತಷ್ಟು ಸುಂದರವಾಗಿ ಕಾಣಿಸುತ್ತದೆ.
ಕಾಳಿಕಾ ಪಟ್ಟಣ ಇಲ್ಲಿಂದ ಕೇವಲ ಒಂದು ಕಿಲೋಮಿಟರ್ ದೂರದಲ್ಲಿದೆ. ಇದು ಇಲ್ಲಿನ ಕಾಳಿ ದೇವಾಲಯಕ್ಕೆ ಪ್ರಸಿದ್ಧವಾಗಿದೆ. ದೇವಸ್ಥಾನವಲ್ಲದೆ ಇಲ್ಲಿರುವ ನರ್ಸರಿ ಕೂಡ ಹೆಸರುವಾಸಿಯಾಗಿದೆ.