ರಾಂಚಿಯಿಂದ 40 ಕಿ.ಮೀ ದೂರದಲ್ಲಿರುವ ಟಾಟಾ ರಸ್ತೆಯಲ್ಲಿರುವ ಟೈಮರ ಎಂಬ ಹಳ್ಳಿಯ ಬಳಿಯಲ್ಲಿ ನೆಲೆಗೊಂಡಿದೆ ಡಸ್ಸಂ ಜಲಪಾತ. ಈ ಜಲಪಾತವು ಕಂಚಿ ನದಿಯಿಂದಾಗಿ ಉಂಟಾಗಿದೆ. ನಯನ ಮನೋಹರವಾದ ಪ್ರಕೃತಿಯ ಮಡಿಲಲ್ಲಿ ಕಂಚಿನದಿಯು 144 ಅಡಿ ಎತ್ತರದಿಂದ ಧುಮ್ಮಿಕ್ಕುತ್ತ ಈ ಜಲಪಾತವನ್ನುಂಟು ಮಾಡಿದೆ. ಪ್ರವಾಸಿಗರು ಈ ಜಲಪಾತದಲ್ಲಿ ಸ್ನಾನ ಮಾಡದಂತೆ ಅಥವಾ ಮಾಡಬೇಕಾದರು ಎಚ್ಚರಿಕೆಯಿಂದ ಇರುವಂತೆ ಇಲ್ಲಿ ಸೂಚಿಸಲಾಗುತ್ತದೆ. ಈ ಜಲಪಾತಕ್ಕೆ ಭೇಟಿ ಕೊಡಲು ಫೆಬ್ರವರಿಯಿಂದ ಏಪ್ರಿಲ್ ತಿಂಗಳುಗಳ ನಡುವಿನ ಅವಧಿಯು ಹೇಳಿ ಮಾಡಿಸಿದ ಸಮಯವಾಗಿದೆ. ಈ ಜಲಪಾತವನ್ನು ಇಲ್ಲಿನ ಸ್ವಚ್ಛ ಮತ್ತು ಆಕರ್ಷಕ ಸೌಂದರ್ಯದಿಂದಾಗಿ ಡಶಮ್ ಗಾಗ್ ಎಂದು ಸಹ ಕರೆಯುತ್ತಾರೆ. ಈ ಜಲಪಾತವು ದಿನೇ ದಿನೇ ಪ್ರಸಿದ್ಧಿಗೆ ಬರುತ್ತಿದ್ದು, ಪ್ರವಾಸಿಗರಿಗೆ ಬೇಕಾದ ಎಲ್ಲಾ ಸೌಲಭ್ಯಗಳು ಇಲ್ಲಿ ದೊರೆಯುತ್ತವೆ.