ಮಂಗಳದೇವಿ ಕೋಟೆ ಕಲ್ಲಿನ ಬೆಟ್ಟದ ಮೇಲೆ ನಿರ್ಮಿತವಾಗಿದ್ದು, ಮಂಗಳದೇವಿ ಗ್ರಾಮದಲ್ಲಿ ನೆಲೆಸಿದೆ. ಈ ಬೆಟ್ಟದ ಕೋಟೆಯು ನೌಷೇರಾ ಪಟ್ಟಣದಿಂದ ಸುಮಾರು 18 ಕಿ. ಮೀ ದೂರದಲ್ಲಿದೆ. ಈ ಕೋಟೆ, ಈ ಸ್ಥಳದ ಅತಿದೊಡ್ಡ ಹಾಗೂ ಪ್ರಬಲ ಕೋಟೆಗಳಲ್ಲಿ ಒಂದು ಎನಿಸಿಕೊಂಡಿದೆ. ಈ ಸ್ಥಳ ಮೂರು ಕಡೆಗಳಿಂದ ನೀರಿನಿಂದ ಆವೃತವಾಗಿದೆ. ಮೋಹನ್ ಸಿಂಗ್ ಸುಕಾರ್ಚಕಾ ಮತ್ತು ಸರ್ದಾರ್ ಸಾಹಿಬ್ ಸಿಂಗ್ ಹಿಂದೆ ಈ ಕೋಟೆಯ ಮೇಲೆ ದಾಳಿ ಮಾಡಲು ಪ್ರಯತ್ನಿಸಿದ್ದರು. ಆದರೆ ರಾಜ ಉಮರ್ ಖಾನ್ ಇದುನ್ನು ವಹಿಸಿಕೊಂಡಿದ್ದರಿಂದ ಅವರು ವಿಫಲರಾದರು.
ಪ್ರವಾಸಿಗರು ಮಂಗಳದೇವಿ ಕೋಟೆಯಲ್ಲಿ ಸಮಾನ ದೂರದಲ್ಲಿ ಕೊತ್ತಲಗಳನ್ನು ಕಾಣಬಹುದು. ಇಲ್ಲಿನ ಗೋಡೆಗಳು ಬಹುತೇಕ 6 ಮೀ ಎತ್ತರದಲ್ಲಿದೆ. ಪ್ರವಾಸಿಗರು, ಈ ಪ್ರದೇಶದ ಆಂತರಿಕ ಮೇಲ್ಮೈ ಸಾಕಷ್ಟು ಅನಿಯಮಿತವಾಗಿರುವುದನ್ನು ಕಾಣಬಹುದು. ಅಲ್ಲದೇ ಒಂದು ದೊಡ್ಡ ಟ್ಯಾಂಕ್ ಜೊತೆಗೆ ಖಜಾನೆಯನ್ನು ಈ ಕಟ್ಟಡದಲ್ಲಿ ಗೋಚರಿಸುತ್ತದೆ.