ರಾಜಮಂಡ್ರಿಯ ಗ್ರಂಥಾಲಯಗಳ ಪೈಕಿ ಶ್ರೀ ಗೌತಮಿ ಗ್ರಂಥಾಲಯ, ವಸುರಾಯ ಗ್ರಂಥಾಲಯ ಮತ್ತು ರತ್ನಕವಿ ಗ್ರಂಥಾಲಯಗಳು ಪ್ರಮುಖವಾಗಿವೆ. ಪ್ರಾಚೀನ ಕಾಲದಿಂದ ಹಿಡಿದು ಇತ್ತೀಚಿನ ಗ್ರಂಥಗಳ ವರೆಗೂ ಇಲ್ಲಿ ಬೃಹತ್ ಸಂಗ್ರಹವಿದ್ದು, ಜ್ಞಾನಾರ್ಜನೆಗೆ ಉತ್ತಮ ಸ್ಥಳವಾಗಿದೆ. ವಸುರಾಯ ಗ್ರಂಥಾಲಯವನ್ನು ವಾಸುದೇವ ಸುಬ್ಬರಾಯುಡು ಸ್ಥಾಪಿಸಿದರು. ಕೊಕ್ಕೊಂಡ ವೆಂಕಟ್ರಮಣಂ ಅವರು ರತ್ನಕವಿ ಗ್ರಂಥಾಲಯವನ್ನು ಸ್ಥಾಪಿಸಿದರು. 1898 ರಲ್ಲೇ ಸ್ಥಾಪಿತವಾದ ಈ ಗ್ರಂಥಾಲಯಕ್ಕೆ 1920 ರಲ್ಲಿ ಶ್ರೀ ಗೌತಮಿ ಗ್ರಂಥಾಲಯ ಎಂದು ಮರುನಾಮಕರಣ ಮಾಡಲಾಯಿತು. ಪ್ರಾಚೀನ ಹಸ್ತಪ್ರತಿಗಳ ಬಹುದೊಡ್ಡ ಸಂಗ್ರಹವನ್ನು ಇಲ್ಲಿ ಕಾಣಬಹುದಾಗಿದೆ. ಸುಮಾರು 60000 ಕ್ಕೂ ಹೆಚ್ಚಿನ ಪುಸ್ತಕಗಳನ್ನು ಇಲ್ಲಿ ಜೋಡಣೆ ಮಾಡಿಟ್ಟ ಪರಿಯೇ ನಿಮ್ಮಲ್ಲಿ ನಿಬ್ಬೆರಗು ಮೂಡಿಸುತ್ತದೆ. ಗುರುವಾರ ಮತ್ತು ಸಾರ್ವಜನಿಕ ರಜಾದಿನಗಳನ್ನು ಹೊರತುಪಡಿಸಿ ಪ್ರತಿದಿನ ಬೆಳಿಗ್ಗೆ ಎಂಟು ಗಂಟೆಯಿಂದ ರಾತ್ರಿ ಎಂಟು ಗಂಟೆಯವರೆಗೂ ಇದು ತೆರೆದಿರುತ್ತದೆ.