ರಾಜಮಂಡ್ರಿಯಲ್ಲಿ ಹುಟ್ಟಿ ಬೆಳೆದ ಒಬ್ಬ ಅತ್ಯಪರೂಪದ ಕಲಾವಿದ ಡಮೆರ್ಲ ರಾಮರಾವ್. ಅವರ ನೆನಪಿಗಾಗಿ ಡಮೆರ್ಲ ರಾಮ ರಾವ್ ಕಲಾ ಗ್ಯಾಲರಿಯನ್ನು ಸ್ಥಾಪಿಸಲಾಯಿತು. ಅವರು ರಚಿಸಿದ ಅತ್ಯುತ್ತಮ ಕಲಾಕೃತಿಗಳ ಪ್ರದರ್ಶನ ಇಂದು ಅವರು ಕಾಲವಾಗಿ 92 ವರ್ಷಗಳ ನಂತರವೂ ನಡೆಯುತ್ತಿದೆ. ಆಂಧ್ರ ಕಲಾ ಶೈಲಿಯನ್ನು ಪುನರುಜ್ಜೀವನಗೊಳಿಸಿದ ಕೀರ್ತಿಯೂ ಇವರಿಗೆ ಸಲ್ಲುತ್ತದೆ. ಇವರ ಕಾಲದಲ್ಲಿ ಚಿತ್ರಕಲಾ ಪ್ರಪಂಚದಲ್ಲಿ ದೊಡ್ಡ ಕ್ರಾಂತಿಯೇ ನಡೆಯಿತು. ಹೊಸ ಹೊಸ ಮಾದರಿಗಳನ್ನು ಹುಡುಕಿದರು. ವರ್ಣಚಿತ್ರಕಲೆಯಲ್ಲಿ ಅನೇಕ ಹೊಸ ಪ್ರಯೋಗಗಳಿಗೆ ನಾಮ ಹಾಡಿದರು. ನೂರಾರು ಕಲಾಸಕ್ತ ವಿದ್ಯಾರ್ಥಿಗಳಿಗೆ ತರಬೇತಿ ನೀಡಿದರು. ಇದೆಲ್ಲವುಗಳ ಪರಿಣಾಮವಾಗಿ ಹೊಸ ಕಲಾಶೈಲಿಯ ಉಗಮವಾಯಿತು. ಇದೆಲ್ಲವುಗಳ ನೆನಪು ಈ ಕಲಾಗ್ಯಾಲರಿಯಲ್ಲಿ ಇನ್ನೂ ಜೀವಂತವಾಗಿದೆ. ಇದೇ ಕಾರಣಕ್ಕೆ ಅವರ ನೆನಪಿನಲ್ಲಿ ರಾಮರಾವ್ ಕಲಾ ಗ್ಯಾಲರಿಯ ಸ್ಥಾಪನೆಯೂ ಆಯಿತು. ಇದೇ ದಿಶೆಯಲ್ಲಿ ರಾಜಮಂಡ್ರಿ ಚಿತ್ರಕಲಾಶಾಲೆಯೂ ಪ್ರಾರಂಭವಾಯಿತು. ಚಿತ್ರಕಲೆಯ ಬಗ್ಗೆ ಸಾರ್ವಜನಿಕರಲ್ಲಿ ಆಸಕ್ತಿ ಮೂಡಿಸಲು ಈ ಕಲಾಗ್ಯಾಲರಿಗಳು ಮಹತ್ವದ ಮಾತ್ರ ನಿರ್ವಹಿಸುತ್ತಿವೆ. ಕಲೆಯ ಸಲುವಾಗಿಯೇ ಜೀವನವನ್ನು ಮುಡುಪಾಗಿಟ್ಟ ಡಮೆರ್ಲ ರಾಮ್ ರಾವ್ ಅವರ ಕಲಾಕೃತಿಗಳನ್ನು ಪ್ರದರ್ಶಿಸುವ ಮೂಲಕ ಅವರಿಗೆ ಗೌರವ ಸೂಚಿಸಲಾಗುತ್ತದೆ. ಶುಕ್ರವಾರ ಮತ್ತು ಖಾಸಗಿ ರಜಾದಿನಗಳನ್ನು ಹೊರತಾಗಿಸಿ ಮತ್ತೆಲ್ಲಾ ದಿನಗಳಲ್ಲೂ ಬೆಳಿಗ್ಗೆ 10.30 ರಿಂದ ಸಂಜೆ 5 ಗಂಟೆಯವರೆಗೆ ಇದು ತೆರೆದಿರುತ್ತದೆ.