ದಂತಕಥೆಯ ಪ್ರಕಾರ, ಒಮ್ಮೆ ಒಬ್ಬಾತನು ಕಸದಿಂದ ರಸ ಅನ್ನುವ ಹಾಗೆ ಶೂನ್ಯದಿಂದ ಕೇವಲ ಎರಡೇ ಖಂಬಗಳಿಂದ ಪ್ರಾರಂಭಿಸಿ ಒಂದು ಅದ್ಭುತವಾದ ಮನೆಯನ್ನೇ ನಿರ್ಮಾಣ ಮಾಡಿದ. ನಂತರ ಅದನ್ನು ಯಾವುದೇ ಅಪರಾಧಿಗಳು ಮತ್ತೆ ಜೀವನವನ್ನು ಹೊಸದಾಗಿ ಪ್ರಾರಂಭಿಸಲು ಪುನರ್ವಸತಿ ಬಯಸಿದ್ದರೆ ಆ ಎರಡು ಖಂಬಗಳ ಮಧ್ಯೆ ಸಾಗಿ ಹಾಗೆ ಮಾಡಬಹುದು ಎಂದು ಘೋಷಿಸಿದ. ಈ ರೀತಿಯ ಕೌತುಕಮಯ ವಿಷಯವನ್ನು ಹೊಂದಿದ ಕಟ್ಟಡವು ಕ್ವೆಪೆಮ ಪಟ್ಟಣದ ಹತ್ತಿರದಲ್ಲೆ ಇದೆ.ಇಲ್ಲಿಯ ಮತ್ತೊಂದು ಪ್ರವಾಸಿ ಆಕರ್ಷಣೆಯಾದ 'ಪಲಾಸಿಯಾ ಡೊ ಡಿಯಾವ್' ಬಂಗಲೆಯು, ಕ್ವೆಪೆಮ ಪಟ್ಟಣವನ್ನು ಶೋಧಿಸಿದ ಜೋಸ್ ಪೌಲೊನಿಂದ ನಿರ್ಮಿಸಲ್ಪಟ್ಟಿದ್ದು ಕಾಲಕ್ರಮೇಣ ಹಲವಾರು ಬಾರಿ ನವೀಕರಣಗೊಂಡಿದೆ.
ಈ ಮನೆಯು ಪೋರ್ಚುಗೀಸ ಹಾಗು ಭಾರತೀಯ ವಾಸ್ತುಶಿಲ್ಪ ಕಲೆಯ ಸುಂದರವಾದ ಮಿಶ್ರಣವನ್ನು ಹೊಂದಿದೆ. ಮಧ್ಯಾಹ್ನದ ಸಮಯವನ್ನು ಕಳೆಯಲು ಈ ಸ್ಥಳವು ಹೇಳಿ ಮಾಡಿಸಿದ ಹಾಗಿದ್ದು ಸ್ಥಳೀಯ ಸಂಸ್ಕೃತಿ ಮತ್ತು ಸಾಂಪ್ರದಾಯಿಕ ಶೈಲಿಯ ಗೋವಾದ ಊಟವನ್ನು ಉಲ್ಲಾಸದಿಂದ ಸವಿಯಬಹುದು. 'ಪಲಾಸಿಯಾ ಡೊ ಡಿಯಾವ್'ವು ಅಂದಿನ ಪೋರ್ಚುಗೀಸರ ಕಾಲದ ನೆನಪನ್ನು ಇಂದಿಗೂ ಕೂಡ ಹೊರಹೊಮ್ಮಿಸುತ್ತಿದೆ ಎಂದರೆ ತಪ್ಪಾಗಲಾರದು! ನೀವೆನಾದರು ಇಲ್ಲಿದ್ದರೆ ಇಲ್ಲಿಯ ಮಗದೊಂದು ಆಕರ್ಷಣೆಯಾದ 'ಹೋಲಿ ಕ್ರಾಸ್' ಚರ್ಚಗೆ ಭೇಟಿ ನೀಡಲು ಮರೆಯದಿರಿ.ಕ್ವೆಪೆಮ್ ನಲ್ಲಿರುವ 'ಪಲಾಸಿಯಾ ಡೊ ಡಿಯಾವ್' ಬಂಗಲೆಯು ಮಾರ್ಗೊದಿಂದ 6 ಕಿ.ಮೀ ದೂರದಲ್ಲಿದೆ. ಇಲ್ಲಿಗೆ ತಲುಪಲು ಪಣಜಿ, ಮಾರ್ಗೊ ಮತ್ತು ವಾಸ್ಕೊದಿಂದ ಬಡಿಗೆಯ ಕಾರುಗಳು ಲಭ್ಯವಿದ್ದು, ಇಷ್ಟವಿದ್ದಲ್ಲಿ ದ್ವಿಚಕ್ರ ವಾಹನವನ್ನೂ ಕೂಡ ಬಳಸಬಹುದು.