ಮುಂಬೈ-ಗೋವಾ ಹೆದ್ದಾರಿಯಲ್ಲಿ ಸಿಗುವ ಮಾಪುಸಾ ದಾಟಿ ಮುಂದೆ ಸಾಗಿದರೆ, ಪಣಜಿಯ ಹತ್ತಿರ ಹತ್ತಿರದಲ್ಲೆ ಕಾಣಸಿಗುವ ಪಟ್ಟಣವೆ ಪೊರ್ವೊರಿಮ್.ಈ ಪಟ್ಟಣದ ವಿಶೇಷವೆಂದರೆ ಇದು ಗೋವಾದ ಉಳಿದೆಲ್ಲ ಭಾಗಗಳಿಗೆ ಹತ್ತಿರವಾಗಿರುವುದು. ಪಟ್ಟಣದ ಹೊರಭಾಗದಲ್ಲಿ ಸಲೀಮ್ ಅಲಿ ಪಕ್ಷಿ ಧಾಮವಿದ್ದು, ಇದು ಛಾಯಾಚಿತ್ರಗಾರರ ನೆಚ್ಚಿನ ತಾಣವಾಗಿದೆ. ಇಲ್ಲಿಂದ ಮಾಂಡೋವಿ ನದಿಯ ಜೊತೆಜೊತೆಗೆ ಪಣಜಿಗೆ ಹೋಗುವ ರಸ್ತೆಯಲ್ಲಿ ಸ್ವಲ್ಪ ಮುಂದೆ ಸಾಗಿದಾಗ ಕಾಣಸಿಗುವುದೆ ರೈಸ್ ಮಾಗೋಸ್ ಕೋಟೆ. ಪಣಜಿ ನಗರದ ಮುಂದುವರೆದ ಉಪನಗರವೆಂದೆ ಹೇಳಲಾಗುವ ಪೊರ್ವೊರಿಮ್ ಪಟ್ಟಣವು ಒಂದು ವ್ಯಾವಹಾರಿಕ ಮತ್ತು ವಸತಿ ನಿಬಿಢ ಪ್ರದೇಶವಾಗಿದೆ.
ಪಣಜಿ ನಗರವು ಇಲ್ಲಿಂದ ಕೇವಲ ಮಾರಳತೆ ದೂರದಲ್ಲಿದ್ದು 'ಪಣಜಿ ಸೇತುವೆ'ಯ ಆಚೆಯಲ್ಲಿದೆ.ಪೊರ್ವೊರಿಮ್ ನಲ್ಲಿರುವ ಎರಡು ಪ್ರಸಿದ್ಧ ತಿನ್ನುವ ತಾಣಗಳೆಂದರೆ 'ಕಾಜುವೇರಿಯೊ' ಮತ್ತು ರುಚಿಕರವಾದ ಪೆಸ್ಟ್ರಿಗಳು ದೊರೆಯುವ 'ಮೆಜೆಸ್ಟಿಕ್'. ನೆರೆ ಹೊರೆಯ ಬಾಗಾ, ಕ್ಯಾಂಡೋಲಿಮ್ ಹತ್ತಿರದಲ್ಲಿದ್ದರೂ ಸಹ ಇಲ್ಲಿ ತಂಗಲು ಮಿತವ್ಯಯ ಮತ್ತು ಉತ್ತಮ ಗುಣಮಟ್ಟದ ವಸತಿ ಸೌಲಭ್ಯಗಳಿರುವುದು ಗಮನಿಸಬೇಕಾದ ಸಂಗತಿ.