ಮಹಾರಾಷ್ಟ್ರ ಮತ್ತು ಗೋವಾದ ಸರಹದ್ದಿನಲ್ಲಿ ಬರುವ ಪರ್ನೆಮ್ ಪಟ್ಟಣವು ಹೆದ್ದಾರಿಯಿಂದ ಕೇವಲ ಮಾರಳತೆ ದೂರದಲ್ಲಿದೆ. ಏಕಾಂತತೆಯನ್ನು ಹೊಂದಿರುವ ಈ ಪಟ್ಟಣವು ಕಡಲ ತೀರಗಳಲ್ಲಿ ದಿನವನ್ನು ಕಳೆಯಬಯಸದ ಪ್ರವಾಸಿಗರಿಗೆ ತಕ್ಕುದಾಗಿದೆ. ಇಲ್ಲಿ ಹರಿದಿರುವ ಚಪೋರಾ ಮತ್ತು ಟಿರಾಕೊಲ್ ನದಿಗಳು ನೋಡುಗರಿಗೆ ಸೊಗಸಾದ ದೃಶ್ಯಗಳನ್ನು ಒದಗಿಸುತ್ತವೆ. ಒಟ್ಟಾರೆಯಾಗಿ ಈ ಪಟ್ಟಣವು ಕೆಲವು ವರ್ಷಗಳ ಹಿಂದಿನ ಗೋವಾದ ನೈಜ ಚಿತ್ರಣವನ್ನು ಪ್ರವಾಸಿಗರ ಮುಂದೆ ತೆರೆದಿಡುತ್ತದೆ.ಪರ್ನೆಮ್ ಪಟ್ಟಣವು ಮುಂಬೈ ಅಥವಾ ಪುಣೆಯಿಂದ ಬರುವ ಪ್ರವಾಸಿಗರಿಗೆ ಒಂದು ನಿಲುಗಡೆಯ ಸ್ಥಳವಾಗಿ ಮಾರ್ಪಟ್ಟಿದೆ ಎಂದು ಹೇಳಬಹುದು. ಇಲ್ಲಿ ನೋಡಬಹುದಾದ ಎರಡು ಸ್ಥಳಗಳೆಂದರೆ ಶ್ರೀ ಭಗವತಿ ದೇವಸ್ಥಾನ ಮತ್ತು ದೇಶಪ್ರಭು ಹೌಸ್. ಪಾಶ್ಚಿಮಾತ್ಯರು ಈ ಸ್ಥಳವನ್ನು ಇಷ್ಟಪಡುತ್ತಾರೆ.

ಇನ್ನು, ದೇಶಪ್ರಭು ಹೌಸ್..ಇದೊಂದು ದೊಡ್ಡ ಬಂಗಲೆಯಾಗಿದ್ದು ಜಗತ್ತಿನಲ್ಲಿರುವ ಕೇವಲ ಒಬ್ಬ ಹಿಂದು 'ವಿಸ್ಕೌಂಟ್' (ಯುರೋಪಿಯನ್ ಸಮುದಾಯದಲ್ಲಿ ದರ್ಜೆ ಹಾಗು ಗೌರವ ಸೂಚಕ)ರ ಮನೆಯಾಗಿದೆ.ಭಗವತಿ ದೇವಸ್ಥಾನವು ಸೈನ್ಯದ ರೂಪದಲ್ಲಿ ಆನೆಗಳ ಮೂರ್ತಿಗಳನ್ನು ಹೊಂದಿದ್ದು ನೋಡಲು ಸೊಗಸಾಗಿದೆ.

ಪರ್ನೆಮ್ ಗೆ ತಲುಪುವುದು ಬಹಳ ಸರಳವಾಗಿದೆ. ನೀವೇನಾದರು ಉತ್ತರ ದಿಕ್ಕಿನಿಂದ ಗೋವಾ ರಾಜ್ಯಕ್ಕೆ ಪ್ರವೆಶಿಸಿದರೆ, ನಿಮಗೆದುರಾಗುವ ಮೊದಲ ಸ್ಥಳಗಳಲ್ಲಿ ಇದು ಒಂದಾಗಿದೆ. ಇದು ಪಣಜಿಗೆ 25 ಕ್ಕಿಂತಲೂ ಸ್ವಲ್ಪ ಅಧಿಕ ಕಿ.ಮೀ ದೂರದಲ್ಲಿದೆ. ಕ್ಯಾಬ್ ಗಳು ಲಭ್ಯವಿದ್ದರೂ ಸಹ ಸ್ವಂತ ಅಥವಾ ಬಾಡಿಗೆ ವಾಹನಗಳ ಮೂಲಕ ಹೋಗುವುದು ಉತ್ತಮ.