ಕ್ಯುಂಕಲೇಶ್ವರ ಮಹಾದೇವ ದೇವಾಲಯ 8 ನೇ ಶತಮಾನದಲ್ಲಿ ಕಟ್ಟಲಾದ ಒಂದು ದೇವಾಲಯವಾಗಿದೆ. ಆದಿ ಶಂಕರಾಚಾರ್ಯರು ಪೌಡಿಗೆ ತಮ್ಮ ಭೇಟಿಯನ್ನಿತ್ತ ಸಂದರ್ಭದಲ್ಲಿ ಇದನ್ನು ಕಟ್ಟಿಸಿದ್ದರು. ಮುಖ್ಯ ನಗರದ ಗಡಿರೇಖೆಯ ಈ ದೇವಾಲಯದಲ್ಲಿ ಶಿವನನ್ನು ಪೂಜಿಸಲಾಗುತ್ತದೆ. ಇಲ್ಲಿ ದೇವಿ ಪಾರ್ವತಿ, ಗಣಪತಿ ಮತ್ತು ಕಾರ್ತಿಕೇಯನ ವಿಗ್ರಹಗಳೂ ಇವೆ. ಜೊತೆಗೆ ಶ್ರೀ ರಾಮ, ಲಕ್ಷ್ಮಣ ಹಾಗೂ ಸೀತಾ ದೇವಿಯ ಮೂರ್ತಿಗಳೂ ಇಲ್ಲಿನ ಆಕರ್ಷಣೆಯಾಗಿವೆ. ಈ ದೇವಾಲಯದ ಹಿಂಬದಿಯಲ್ಲಿ ಕಾಣುವ ಅಲಕ್ ನಂದಾ ಕಣಿವೆಯ ನೋಟ ಎಂತಹವರನ್ನಾದರೂ ದಂಗು ಬಡಿಸದೆ ಇರಲಾರದು. ಇದರ ಜೊತೆಗೆ ಹಿಮಾಲಯದ ಪರ್ವತಗಳ ಸೊಬಗೂ ಇಲ್ಲಿ ಕಾಣಿಸುತ್ತದೆ. ಇಲ್ಲಿ ಹಿಂದೂ ಹಬ್ಬ ಮಹಾಶಿವರಾತ್ರಿಯನ್ನು ಬಹಳ ಸಂಭ್ರಮದಿಂದ ಆಚರಿಸಲಾಗುತ್ತದೆ.