ಪತ್ನಿಟಾಪ್ನಲ್ಲಿರುವ ಇನ್ನೊಂದು ಪ್ರಮುಖ ಆಕರ್ಷಣೆಯೆಂದರೆ ಸುಧ್ ಮಹಾದೇವ್. ಇದು 2800 ವರ್ಷಗಳಷ್ಟು ಹಳೆಯದಾದ ಶಿವನ ದೇವಾಲಯ. ದಂತಕಥೆಯೊಂದರ ಪ್ರಕಾರ, ಪಾರ್ವತಿ ಮತ್ತು ಶಿವ ಇದ್ದಲ್ಲಿಗೆ ರಾಕ್ಷಸ ಸುಧೀತ್ ಎಂಬಾತ ಬರುತ್ತಾನೆ. ಆತನನ್ನು ಕಂಡು ಪಾರ್ವತಿ ಕಿರುಚುತ್ತಾಳೆ. ಆಗ ಎಚ್ಚರಗೊಂಡ ಶಿವ ತನ್ನ ತ್ರಿಶೂಲವನ್ನು ಬೀಸಿ ಆತನತ್ತ ಎಸೆಯುತ್ತಾನೆ. ಆಗ ಗಾಯಗೊಂಡ ರಾಕ್ಷಸ ತಾನು ನಿಮ್ಮನ್ನು ಪೂಜಿಸುವ ಸಲುವಾಗಿ ಇಲ್ಲಿಗೆ ಬಂದಿದ್ದೆ ಎಂದಾಗ ತನ್ನ ತಪ್ಪಿನ ಅರಿವಾದ ಶಿವ ಅವನಿಗೆ ಮರು ಜೀವ ಕರುಣಿಸುತ್ತಾನೆ. ಅವನಿಗೆ ಮೋಕ್ಷ ನೀಡಿ, ಸುಧ್ ಮಹಾದೇವ್ ಎಂದು ಹೆಸರಿಡುತ್ತಾನೆ. ಆತನ ದೇವಾಲಯ ಇದಾಗಿದ್ದು, ಶಿವ ಎಸೆದ ತ್ರಿಶೂಲದ ಅವಶೇಷಗಳು ಇನ್ನೂ ಈ ದೇವಾಲಯದಲ್ಲಿದೆ ಎಂಬ ನಂಬಿಕೆಯಿದೆ. ಈ ದೇವಸ್ಥಾನದಲ್ಲಿ ಬಾಬಾರೂಪನಾಥ್ ಎಂಬ ಸಾಧು ಸುಮಾರು ಸಾವಿರ ವರ್ಷಗಳ ಹಿಂದೆ ಸಮಾಧಿಯಾಗಿದ್ದಾರೆ ಎಂದೂ, ಅವರ ಜ್ವಾಲೆ ಇನ್ನೂ ಶಾಶ್ವತವಾಗಿ ಉರಿಯುತ್ತಿದೆಯೆಂದೂ ನಂಬಲಾಗುತ್ತದೆ.
ಜೂನ್ನಲ್ಲಿ ಬರುವ ಜ್ಯೇಷ್ಠ ಪೂರ್ಣಿಮೆಯ ದಿನ ಇಲ್ಲಿ ಜಾತ್ರೆ ನಡೆಯುತ್ತದೆ. ಹೆಚ್ಚಿನ ಸಂಖ್ಯೆಯಲ್ಲಿ ಈ ಅವಧಿಯಲ್ಲಿ ಪ್ರವಾಸಿಗರು ಬರುತ್ತಾರೆ. ಮಂತಲೈ ಆಶ್ರಮ ಇಲ್ಲಿನ ಇನ್ನೊಂದು ಪ್ರಮುಖ ಆಕರ್ಷಣೆಯಾಗಿದೆ.