ಪೆರುತ್ತನರವಿ ಜಲಪಾತವು, ಪೆರುತ್ತವರವಿ ಸ್ಥಳದಲ್ಲಿರುವ ಅತ್ಯಂತ ಮನಮೋಹಕ ಜಲಪಾತ. ಪಥನಂತಿಟ್ಟ ನಗರದಿಂದ 36 ಕೀ.ಮಿ ದೂರದಲ್ಲಿ ಅಮೋಘವಾದ ಈ ಜಲಪಾತವನ್ನು ಕಾಣಬಹುದು. ಈ ಜಲಪಾತವು ಹರಿದು ಪಂಬಾ / ಪಂಪಿ ನದಿಯನ್ನು ಸೇರುತ್ತದೆ.  ಹಾಲಿನ ಬುಗ್ಗೆಯಂತೆ ಕಾಣುವ ಈ ಜಲಪಾತವು 100 ಫೀಟ್ ಎತ್ತರದಿಂದ ಧುಮ್ಮಿಕ್ಕುತ್ತದೆ. ಈ ದೃಶ್ಯವನ್ನು ನೋಡಿದರೆ ಇಲ್ಲಿಂದ ಮರಳಬೇಕು ಎಂದು ಅನ್ನಿಸುವುದೇ ಇಲ್ಲ. ಸುತ್ತಲು ಸುಂದರವಾದ ವಾತಾವರಣವನ್ನು ಹೊಂದಿರುವ ಪೆರುತ್ತನರವಿ ಜಲಪಾತವು ಪ್ರವಾಸಿಗಳ ನೆಚ್ಚಿನ ತಾಣ. ಪಿಕ್ನಿಕ್ ಗೆ ಹೋಗಲು, ಸಮಯ ಕಳೆಯಲು ಇಂದೊಂದು ಸೂಕ್ತ ಸ್ಥಳ.  ಈ ಜಲಪಾತವು ಕಣಿವೆಯ ಮುಖಾಂತರ ಪಂಬಾ ನದಿಯನ್ನು ಸೇರುತ್ತದೆ. ಪೆರುತ್ತನರವಿ ಈ ಪದದ ಅರ್ಥ “ಜೇನಿನ ಕಣಿವೆ”  ಎಂದು.  ಈ ಹೆಸರು ಪೆರುತ್ತನರವಿ ಸ್ಥಳಕ್ಕೆ ಸರಿಯಾಗಿ ಹೊಂದುಕೊಳ್ಳುತ್ತದೆ. ಇಲ್ಲಿನ ಮನಮೋಹಕ ದೃಶ್ಯದೊಂದಿಗೆ ಸಾಮಾನ್ಯವಾಗಿ ಜಗತ್ತಿನ ವಿವಿಧ ಆಮೆಗಳು ಇಲ್ಲಿ ಬಂದವರನ್ನು ಆಕರ್ಷಿಸುತ್ತವೆ. ಇಲ್ಲಿ ಎತ್ತರದಿಂದ ಬೀಳುವ ಜಲಪಾತವು ಅಷ್ಟೇನು ವಿಶೇಷವೆನಿಸದಿದ್ದರೂ ಇಲ್ಲಿನ ಪ್ರಾಕೃತಿಕ  ಸೌಂದರ್ಯ ಎಲ್ಲರನ್ನೂ ಮರುಳುಮಾಡುತ್ತವೆ.