ಕದಮನಿಟ್ಟ ದೇವಿ ದೇವಾಲಯವು ಪಥನಂತಿಟ್ಟ ನಗರದಿಂದ 6 ಕೀ.ಮಿ ದೂರದಲ್ಲಿರುವ ಕದಮನಿಟ್ಟ ಎಂಬ ಹಳ್ಳಿಯಲ್ಲಿದೆ. ಈ ದೇವಾಲಯವು ಪದ್ಯಾಣಿ ಶಾಸ್ತ್ರೀಯ ನೃತ್ಯ ಪ್ರದರ್ಶನಕ್ಕೆ ಸಾಕ್ಷಿಯಾಗಿದೆ. ಪದ್ಯಾಣಿ/ನಿ ಹತ್ತು ದಿನಗಳ ಕಾಲ ಔಪಚಾರಿಕವಾಗಿ ನಡೆಯುವ ಒಂದು ಅದ್ಭುತ ನೃತ್ಯ ಪ್ರದರ್ಶನ. ಈ ಪದದ ಅರ್ಥ ’ ಯೋಧರ ಸಾಲು/ಗುಂಪು’  ಎಂದು. ಪದ್ಯಾಣಿ ನೃತ್ಯ ಕಲೆಯ ಪ್ರದರ್ಶನವು ಸಾಮಾನ್ಯವಾಗಿ ಕೇರಳದ ಬೇರೆ ಬೇರೆ ಭಾಗಗಳಲ್ಲಿರುವ ಎಲ್ಲಾ ಭಗವತಿ ದೇವಾಲಯಗಳಲ್ಲಿಯೂ ನಡೆಯುತ್ತದೆ. ದೇವಿಯ ಸನ್ನಿಧಾನದಲ್ಲಿ ನಡೆಯುವ ಈ ಪ್ರದರ್ಶವವು ದಿಗ್ಭ್ರಮೆಯನ್ನುಂಟುಮಾಡುವ ಅತ್ಯಂತ ಪ್ರಮುಖವಾದದ್ದು. ಏಪ್ರೀಲ್ ನಲ್ಲಿ ನಡೆಯುವ ದೇವಾಲಯದ ವಾರ್ಷಿಕ ಉತ್ಸವದ ಒಂದು ಭಾಗವಾಗಿ ಈ ಪ್ರದರ್ಶವನವನ್ನು ಮಾಡಲಾಗುತ್ತದೆ. ಪದ್ಯಾಣಿಯ 8ನೇ ದಿನದ ಪ್ರದರ್ಶನವು ಅತ್ಯಂತ ಆಕರ್ಷಣೀಯವಾಗಿರುತ್ತದೆ. ಎಲ್ಲಾ ಮುಖವಾಡದಾರಿಗಳನ್ನೂ ಒಟ್ಟಾಗಿ ಈ ದಿನ ಪ್ರದರ್ಶನದಲ್ಲಿ ಕಾಣಬಹುದು. ಎಲ್ಲಾ ಸ್ಥಳೀಯರೂ ಸೇರಿ ಆಚರಣೆ ಮಾಡುವ ಈ ಉತ್ಸವದ ಸಂದರ್ಭದಲ್ಲಿ ಪಥನಂತಿಟ್ಟಕ್ಕೆ ಪ್ರಯಾಣ ಮಾಡುವುದು ಅತ್ಯಂತ ಸೂಕ್ತ. ಅಲ್ಲಿನ ವೈಭವವನ್ನು ನೀವು ಬೇರೆ ಯಾವುದೇ ಸಮಯದಲ್ಲಿ ಕಾಣಲು ಸಾಧ್ಯವಿಲ್ಲ.