ಪಟಾನಿನ ರೇಷ್ಮೇ ನೇಕಾರರನ್ನು ಪಟೋಲ ಎನ್ನುವ ಹೆಸರಿನಿಂದಲೇ ಕರೆಯಲಾಗುತ್ತದೆ. ಪಟೋಲ ರೇಷ್ಮೆಯ ನೇಯ್ಗೆ ಉಳಿದ ನೇಯ್ಗೆಗಳಿಗಿಂತ ಕಷ್ಟಕರವಾದದ್ದು. ಇವರು ‘ಡಬಲ್ ಇಕ್ಕತ್ ಸ್ಟೈಲ್’ ಬಳಸಿ ರೇಷ್ಮೆಯನ್ನು ನೇಯುತ್ತಾರೆ. ಈ ರೀತಿಯ ಶೈಲಿಯನ್ನು ಪಟೋಲ ನೇಕಾರರನ್ನು ಹೊರತು ಪಡಿಸಿದರೆ ಇಂಡೋನೇಷ್ಯಾದಲ್ಲಿ ಕಾಣಬಹುದು. ಈ ರೀತಿ ಸೀರೆಯನ್ನು ನೇಯಲು ತಿಂಗಳುಗಳೇ ಬೇಕಾಗುತ್ತದೆ. ಆದ್ದರಿಂದ ಈ ಸೀರೆಗಳ ಬೆಲೆ ಕೂಡ ಹೆಚ್ಚು. ಪಟೋಲ ಸೀರೆಗಳನ್ನು ಈಗ ಸಾಲ್ವಿ ಸಮುದಾಯದವರು ಮಾತ್ರ ನೇಯುತ್ತಾರೆ.