ಹತುಂಡಿ ರಾತಾ ಮಹಾಬೀರ್ ದೇವಾಲಯವನ್ನು ಜೈನರ 24 ನೆಯ ತೀರ್ಥಂಕನಾದ ಮಹಾವೀರನಿಗಾಗಿ ನಿರ್ಮಿಸಲಾಗಿದೆ. ಈಜಿಪ್ಟಿನ ಪಿರಮಿಡ್ಡುಗಳನ್ನು ಹೋಲುವ ನೇರಳೆ ಮತ್ತು ಬಿಳಿಯ ಬಣ್ಣದ ರಚನೆಯನ್ನು ಹೊಂದಿರುವ ಕಾರಣಕ್ಕಾಗಿ ಈ ದೇವಾಲಯವು ಎಲ್ಲರ ಗಮನ ಸೆಳೆಯುತ್ತದೆ. ಈ ದೇವಾಲಯದ ಪ್ರತಿಯೊಂದು ತುದಿಯಲ್ಲು ಮೆಟ್ಟಿಲುಗಳನ್ನು ಇಡಲಾಗಿದ್ದು, ಅವುಗಳ ಮೂಲಕ ಮೇಲಿರುವ ಗುಮ್ಮಟವನ್ನು ತಲುಪಬಹುದು. ಈ ಗುಮ್ಮಟವು ಮೂರು ಮೊಗಸಾಲೆಗಳನ್ನು ಹೊಂದಿದೆ. ಇತ್ತೀಚಿಗಷ್ಟೆ ಈ ದೇವಾಲಯದ ಕಟ್ಟಡಕ್ಕೆ ಆರು ಗುಮ್ಮಟಗಳನ್ನು ಹೊಸದಾಗಿ ರಚಿಸಲಾಗಿದೆ. ಇವುಗಳ ತುದಿಯನ್ನು ಮೊನಚಾಗಿ ಆಕಾಶಕ್ಕೆ ಚಾಚಿರುವಂತೆ ರಚಿಸಲಾಗಿದೆ. ಪ್ರವಾಸಿಗರು ಈ ದೇವಾಲಯದ ಗರ್ಭಗುಡಿಯಲ್ಲಿ ಮಹಾವೀರನ ವಿಗ್ರಹವನ್ನು ಕಾಣಬಹುದಾಗಿದೆ.