ತೆಕ್ಕಂತೊಟ್ಟಂ ಹಳ್ಳಿಯ ಸಮೀಪ ಈ ಜಲಪಾತವಿದೆ. ಪಳನಿಯ ಬೆಟ್ಟದ ಮೇಲಿರುವ ಟ್ಯಾಂಕಿಗೆ ಈ ಜಲಪಾತದ ನೀರನ್ನು ಪೈಪುಗಳ ಮೂಲಕ ಹಾಯಿಸಲಾಗುತ್ತದೆ. ಈ ನೀರನ್ನು ಶುದ್ಧೀಕರಣದ ಬಳಿಕ ಪಳನಿ ಪಟ್ಟಣಕ್ಕೆ ಸರಬರಾಜು ಮಾಡಲಾಗುತ್ತದೆ. ಈ ಟ್ಯಾಂಕನ್ನು ‘ವಾಟರ್ ಡ್ಯಾಂ’ ಎಂದು ಕರೆಯುತ್ತಾರೆ. ತೆಕ್ಕಂತೊಟ್ಟಂನಲ್ಲಿ ಬಸ್ಸಿನಿಂದ ಇಳಿದ ಮೇಲೆ 4 ಕಿಮೀ ದೂರ ನಡೆದರೆ ಈ ಜಲಪಾತ ಸಿಗುತ್ತದೆ. ಪಳನಿಯಿಂದ ಇಲ್ಲಿಗೆ ಬಸ್ ಸೌಕರ್ಯವಿದೆ. ಸಣ್ಣ ಬಂಡೆಗಳ ಮೇಲೇರುತ್ತಾ ಪ್ರಶಾಂತ ವಾತಾವರಣದಲ್ಲಿ ಈ ಜಲಪಾತದ ಸೌಂದರ್ಯವನ್ನು ಅನುಭವಿಸಬಹುದು.