ಊಟಿ ಕೆರೆಯು ಊಟಿಯ ಅತ್ಯಂತ ಪ್ರಮುಖ ಮತ್ತು ಪ್ರಸಿದ್ಧ ಪ್ರವಾಸಿ ಆಕರ್ಷಣೆಯಾಗಿದೆ. 1824 ರಲ್ಲಿ ಜಾನ್ ಸುಲ್ಲಿವನ್ ಎಂಬಾತನಿಂದ ನಿರ್ಮಾಣಗೊಂಡ ಈ ಕೃತಕ ಕೆರೆಯು 65 ಎಕರೆಗಳಷ್ಟು ವಿಸ್ತೀರ್ಣವನ್ನು ಹೊಂದಿದೆ. ಮಳೆಗಾಲದಲ್ಲಿ ಬೆಟ್ಟಗುಡ್ಡಗಳಿಂದ ಹರಿದು ಬರುವ ನೀರನ್ನು ಸಂಗ್ರಹಿಸುವ ಸಲುವಾಗಿ ಇದನ್ನು ನಿರ್ಮಿಸಲಾಗಿದೆ. ಈ ಕೆರೆಯು ಹಲವು ಬಾರಿ ಕೋಡಿ ಹೋಗಿದ್ದರು, ಮೂರು ಬಾರಿ ಬತ್ತಿ ಹೋಗಿತ್ತು. ಈ ಕೆರೆಯನ್ನು ಕಟ್ಟಲು ಇದ್ದ ಉದ್ದೇಶವೇ ಮೀನುಗಾರಿಕೆ. ಈ ಕೆರೆಯು ತನ್ನ ಮೂಲ ಸ್ವರೂಪವನ್ನು ಇಂದು ಉಳಿಸಿಕೊಂಡಿಲ್ಲ. ಇದಕ್ಕೆ ವಿವಿಧ ಭೌಗೋಳಿಕ ಅಂಶಗಳು ಮತ್ತು ಕೆರೆಗೆ ಸಮೀಪದಲ್ಲಿ ಬಸ್ ನಿಲ್ದಾಣದ ನಿರ್ಮಾಣ, ರೇಸ್ ಕೋರ್ಸ್ ಹಾಗು ಕೆರೆಯ ಉದ್ಯಾನವನದ ನಿರ್ಮಾಣಗಳು ಕಾರಣವಾಗಿವೆ.
ಪ್ರಸ್ತುತ ಈ ಕೆರೆಯು ಪ್ರವಾಸಿಗರ ವಲಯದಲ್ಲಿ ಅತ್ಯಂತ ಪ್ರಸಿದ್ಧ ಆಕರ್ಷಣೆಯಾಗಿದೆ. ಏಕೆಂದರೆ ಈ ಕೆರೆಯಲ್ಲಿ ದೋಣಿ ವಿಹಾರ ಮಾಡುವ ಅವಕಾಶವಿದೆ. ಈ ಕೆರೆಯ ಪ್ರಶಾಂತವಾದ ವಾತಾವರಣದಲ್ಲಿ ದೋಣಿ ವಿಹಾರ ಮಾಡುತ್ತ, ಏಕಾಂತವನ್ನು ಕಳೆಯಬಹುದು. ಅಲ್ಲದೆ ಮೇ ತಿಂಗಳಿನಲ್ಲಿ ಈ ಕೆರೆಯಲ್ಲಿ ರಾಜ್ಯ ಸರ್ಕಾರವು ಎರಡು ದಿನಗಳ ದೋಣಿ ಓಟದ ಸ್ಪರ್ಧೆಯನ್ನು ಸಹ ನಡೆಸುತ್ತದೆ.