ಪುಲಿಕಟ್ ಕೆರೆ ಸುಮಾರು 350 ಚದರ್ ಕಿಲೋಮೀಟರ್ ವ್ಯಾಪ್ತಿಯಲ್ಲಿ ಹರಡಿಕೊಂಡಿದೆ. ಅಪಾರ ಸಂಖ್ಯೆಯ ಅಪರೂಪದ ವಲಸೆ ಹಕ್ಕಿಗಳ ವೀಕ್ಷಣೆಗೆ ಇದು ಸರಿಯಾದ ಸ್ಥಳ. ಓರಿಸ್ಸಾದ ಚಿಲ್ಕಾ ಕೆರೆ ನಂತರ ದೇಶದ ಎರಡನೇ ಅತಿ ದೊಡ್ಡ ಉಪ್ಪು ನೀರಿನ ಕಾರಿ (ಸಮುದ್ರದ ನೀರಿನಿಂದ ಉಂಟಾದ ಕೆರೆ) ಆಗಿದೆ. ಇದು ಬಂಗಾಳ ಮಹಾಕೊಲ್ಲಿಯಿಂದ ಪ್ರತ್ಯೇಕವಾಗಿದೆ. ಶ್ರೀಹರಿಕೋಟಾ ದ್ವೀಪ ಎಂಬ ಪ್ರದೇಶ ಎಂದೇ ಹೆಸರಾಗಿದೆ. ಪುಲಿಕಟ್ ಕೆರೆ ಪ್ರವಾಸಿಗರಿಗೆ ಪಿಕ್ನಿಕ್ ತಾಣವಾಗಿ ಲಭಿಸಿದೆ. ನೀರಿನ ತೀರವಾಗಿದ್ದು, ಪ್ರಶಾಂತ ವಾತಾವರಣ ಹೊಂದಿದೆ.
ಸುತ್ತಲೂ ನೀರೇ ಕಾಣುವ ಈ ಪ್ರದೇಶ ಅಪರೂಪದ ವಲಸೆ ಹಕ್ಕಿಗಳಿಗೆ ತಾಣವಾಗಿದ್ದು ಪಕ್ಷಿ ವೀಕ್ಷಕರಿಗೆ ಸ್ವರ್ಗವೆಂದೆನಿಸಿದೆ. ವರ್ಷದ ಬಹುತೇಕ ಎಲ್ಲಾ ಸಂದರ್ಭದಲ್ಲೂ ಇಲ್ಲಿ ಪಕ್ಷಿಗಳು ಇರುತ್ತವೆ. ಕೆರೆಯಲ್ಲಿ ಬೋಟ್ ಯಾನಕ್ಕೂ ಅವಕಾಶ ಇದೆ. 500 ರೂ.ಗೆ ಮೀನುಗಾರರು ಬೋಟ್ ಬಾಡಿಗೆಗೆ ಪಡೆಯಬಹುದು. ಆರಾಮವಾಗಿ ಕೆರೆಯಲ್ಲಿ ಅಡ್ಡಾಡಿ ಬರಬಹುದು. ನೀರಿನ ನಡುವೆ ಸಾಗುವಾಗ ಅನೇಕ ಅಪರೂಪದ ಪಕ್ಷಿಗಳು ಕಾಣುತ್ತವೆ. ತೀರ ಪ್ರದೇಶದಲ್ಲಿ ಇವು ಇರದಿದ್ದರೂ, ಕೆರೆಯ ನಡುವೆ ಗೋಚರಿಸುತ್ತವೆ. ವಾಟರ್ಪೌಲ್, ಪಿಲಿಕನ್, ಹೆರೋನ್ಸ್ ಹಾಗೂ ಪ್ಲೆಮಿಂಗೋ ಪಕ್ಷಿಗಳು ಕೆರೆಯ ನಡುವೆ ಸಾಗಿದಾಗ ಕಾಣುತ್ತವೆ.