ಸೊನಿತಪುರ ಜಿಲ್ಲೆಯ ಹಿಮಾಲಯದ ತಪ್ಪಲಿನಲ್ಲಿ ಸೊನಾಯಿ ರುಪೈ ವನ್ಯಜೀವಿ ಅಭಯಾರಣ್ಯವಿದೆ. ಸುಮಾರು 200 ಚದರ ಕಿ.ಮೀ. ವ್ಯಾಪ್ತಿಯನ್ನು ಆವರಿಸಿಕೊಂಡಿರುವ ಅಭಯಾರಣ್ಯ ಪ್ರಕೃತಿ ಸೌಂದರ್ಯ ಮತ್ತು ಹೇರಳ ವನ್ಯಜೀವಿ ಸಂಪತ್ತನ್ನು ಹೊಂದಿದೆ.
ಪ್ರವಾಸಿಗರು ಹುಲಿ, ಸಣ್ಣ ಬೆಕ್ಕುಗಳು, ಆನೆ, ಕಾಡೆತ್ತು, ಜಿಂಕೆ ಮತ್ತು ಚಿಗರೆಯನ್ನು ರುಪೈ ವನ್ಯಜೀವಿ ಅಭಯಾರಣ್ಯದಲ್ಲಿ ನೋಡಬಹುದು. ವನ್ಯಜೀವಿಗಳ ವಾಸಸ್ಥಾನವನ್ನು ಹೊರತುಪಡಿಸಿ ಇದು ಸಮೃದ್ಧ ಸಸ್ಯರಾಶಿಯನ್ನು ಹೊಂದಿದೆ. ಅಭಯಾರಣ್ಯದಲ್ಲಿ ವಿವಿಧ ಜಾತಿಯ ಸಸ್ಯಗಳನ್ನು ಕಾರಣಬಹುದು. ಅಭಯಾರಣ್ಯದಲ್ಲಿ ವಿವಿಧ ಬಗೆಯ ಬೆಟ್ಟದ ಪಕ್ಷಿಗಳು ಕಾಣಸಿಗುತ್ತದೆ.
ಸೊನಾಯಿ ರುಪೈ ವನ್ಯಜೀವಿ ಅಭಯಾರಣ್ಯಕ್ಕೆ ಸಮೀಪದ ನಗರ ತೇಜಪುರ್ 52 ಕಿ.ಮೀ. ದೂರದಲ್ಲಿದೆ ಮತ್ತು ಧೇಕೈಜುಲಿ 30 ಕಿ.ಮೀ. ದೂರದಲ್ಲಿದೆ. ವನ್ಯಜೀವಿ ಅಭಯಾರಣ್ಯಕ್ಕೆ ತೇಜಪುರ ಹತ್ತಿರದ ವಿಮಾನ ನಿಲ್ದಾಣ. ಗುವಾಹಟಿ ತನಕ ವಿಮಾನದಲ್ಲಿ ಪ್ರಯಾಣಿಸಿ ಬಳಿಕ ತೇಜಪುರಕ್ಕೆ ರಸ್ತೆ ಮೂಲಕ ಪ್ರಯಾಣಿಸಲು ಸಲಹೆ ಮಾಡಲಾಗುತ್ತದೆ. ನವಂಬರ್ ನಿಂದ ಎಪ್ರಿಲ್ ತನಕ ಅಭಯಾರಣ್ಯಕ್ಕೆ ಭೇಟಿ ನೀಡಲು ಉತ್ತಮ ಸಮಯ.