ತೆಂದೊಂಗ್ ಪರ್ವತವು ಸಮುದ್ರ ಮಟ್ಟದಿಂದ 8530 ಅಡಿ ಎತ್ತರದಲ್ಲಿದೆ. ಇಲ್ಲೊಂದು ನಿಶ್ಕ್ರಿಯಗೊಂಡಿರುವ ಜ್ವಾಲಾಮುಖಿಯಿದೆ. ಇಲ್ಲಿನ ಜನಪದ ಕಥೆಗಳ ಪ್ರಕಾರ ಪ್ರವಾಹದಲ್ಲಿ ಈ ಭೂಪ್ರದೇಶ ಮುಳುಗಿದಾಗ ಜನರನ್ನು ರಕ್ಷಿಸಲು ಇಲ್ಲಿ ಕೊಂಬುಗಳು ಉದ್ಭವವಾಯಿತಂತೆ.
ತೆಂದೊಂಗ್ ಎಂದರೆ ಇಲ್ಲಿನ ಸ್ಥಳೀಯ ಭಾಷೆಯಲ್ಲಿ “ ಕೊಂಬುಗಳ ಬೆಟ್ಟ” ಲಾಮಾಗಳು ಈ ಪ್ರದೇಶದಲ್ಲಿ ಹಲವು ವರ್ಷಗಳ ಕಾಲ ಧ್ಯಾನ ಮಾಡಿದ್ದರಂತೆ. ಇದು ಸಿಕ್ಕಿಂನ ಅತ್ಯಂತ ಜನಪ್ರಿಯ ಚಾರಣ ಪ್ರದೇಶ. ಇಲ್ಲಿಂದ 6 ಕಿಮೀ ಎತ್ತರಕ್ಕೆ ಚಾರಣ ಮಾಡಿದರೆ ಅದು ನಿಮ್ಮನ್ನು ಅಪಾರ ಸಸ್ಯ ಮತ್ತು ಜೀವ ವೈವಿಧ್ಯವಿರುವ ಅರಣ್ಯದೊಳಗೆ ಕೊಂಡೊಯ್ಯುತ್ತದೆ.