ತ್ರಿಲೋಕಪುರ ದೇವಸ್ಥಾನವು ನಹಾನ್‌ ಸಮೀಪದಲ್ಲಿರುವ ತ್ರಿಲೋಕಪುರ ಪಟ್ಟಣದಲ್ಲಿರುವ ಪ್ರಮುಖ ಪ್ರವಾಸಿ ತಾಣ. ಈ ದೇವಸ್ಥಾನವು ನಹಾನ್‌ನಿಂದ ಸುಮಾರು 23 ಕಿ.ಮೀ ದೂರದಲ್ಲಿದೆ. ಕಲ್ಕಾ-ಅಂಬಾಲಾ ಹೆದ್ದಾರಿಯಲ್ಲಿ 6 ಕಿ.ಮೀ ದೂರದಲ್ಲಿದೆ. ಈ ದೇವಸ್ಥಾನವನ್ನು ರಾಜಾ ದೀಪ ಪ್ರಕಾಶರು 1573 ರಲ್ಲಿ ನಿರ್ಮಿಸಿದ್ದರು. ಮಹಾಮಾಯ ಬಾಲ ಸುಂದರಿಗೆ ಈ ದೇವಸ್ಥಾನವನ್ನು ಅರ್ಪಿಸಲಾಗಿದೆ. ಉತ್ತರ ಭಾರತದ ಎಲ್ಲೆಡೆಯಿಂದ, ಅದರಲ್ಲೂ ಹರ್ಯಾಣ ಮತ್ತು ಹಿಮಾಚಲ ಪ್ರದೇಶದೆಲ್ಲೆಡೆಯಿಂದ ಇಲ್ಲಿಗೆ ಭಕ್ತರು ಆಗಮಿಸುತ್ತಾರೆ.

ನವರಾತ್ರಿಯ ಅವಧಿಯಲ್ಲಿ ಅಂದರೆ ಏಪ್ರಿಲ್‌ನಿಂದ ಅಕ್ಟೋಬರಿನ ಅವಧಿಯಲ್ಲಿ ಇಲ್ಲಿ ಹಬ್ಬ ನಡೆಯುತ್ತದೆ. ಈ ಹಬ್ಬದಲ್ಲಿ ಮಹಾಮಾಯೆ ಬಾಲ ಸುಂದರಿಯ ಆಶೀರ್ವಾದ ಪಡೆಯಲು ಸಾವಿರಾರು ಭಕ್ತರು ಆಗಮಿಸುತ್ತಾರೆ. ಐತಿಹ್ಯಗಳ ಪ್ರಕಾರ, ಈ ದೇವಿಯು ಶಕ್ತಿ ಮತ್ತು ಸಾಮರ್ಥ್ಯದ ಪ್ರತೀಕವಾಗಿದ್ದಾಳೆ.