ಪಲ್ಲವ ರಾಜ ರಾಜಸಿಂಹನಿಂದ ಆಳಲ್ಪಟ್ಟು, ಚೀನಾ ಪ್ರವಾಸಿ ಹುಯೇನ್ ಸಾಂಗ್ ಬರೆದ ಪುಸ್ತಕದಲ್ಲಿ ಬುದ್ಧ ವಿಹಾರವೆಂದು ಕರೆಯಲ್ಪಟ್ಟಿರುವ ಬಂಗಾಳ ಕೊಲ್ಲಿಯ ಸಮೀಪದಲ್ಲೇ ಇರುವ ತಮಿಳುನಾಡಿದ ನಾಗಪಟ್ಟಣಂ ಜಿಲ್ಲೆಯಲ್ಲಿರುವ ಪ್ರಸಿದ್ಧ ಯಾತ್ರಾಸ್ಥಳವೇ ನಾಗೂರ್. ನಗರವು ನಾಗಪಟ್ಟಣಂನಿಂದ ಉತ್ತರದಲ್ಲಿ ನಾಲ್ಕು ಕಿ.ಮೀ. ಮತ್ತು ಕಾರೈಕಲ್ ನ ದಕ್ಷಿಣಕ್ಕೆ 16 ಕಿ.ಮೀ. ದೂರದಲ್ಲಿದೆ.
ನಾಗೂರ್ ಮತ್ತು ಸುತ್ತಮುತ್ತಲಿನ ಪ್ರವಾಸಿ ತಾಣಗಳು
ನಾಗೂರ್ ನಗರದ ಪ್ರಮುಖ ಆಕರ್ಷಣೆ ನಾಗೂರ್ ದರ್ಗಾ. ಈ ದರ್ಗಾದಿಂದಾಗಿಯೇ ನಾಗೂರ್ ಪ್ರಮುಖ ಯಾತ್ರಾಸ್ಥಳವಾಗಿ ಗುರುತಿಸಲ್ಪಟ್ಟಿದೆ. ಈ ದರ್ಗಾವು ಮೀರನ್ ಸಾಹಿಬ್ ಅಬ್ದುಲ್ ಖಾದಿರ್ ಶಾಹುಲ್ ಹಮೀದ್ ಬಾದಶಾಹ ಅವರಿಗೆ ಸಮರ್ಪಿಸಲಾಗಿದೆ. ಯೆಜಹು ಲೆಬ್ಬಿ ಜಮಿಯಾ ಮಸೀದಿ, ಫಾತಿಮಾ ಜಮಿಯಾ ಮಸೀದಿ ಮತ್ತು ಥೀರು ಪಲ್ಲಿ ಮಸೀದಿ ನಾಗೂರ್ ನಲ್ಲಿರುವ ಜನಪ್ರಿಯ ಮಸೀದಿಗಳು. ನಗರದ ಮತ್ತೊಂದು ಪ್ರಮುಖ ಆಕರ್ಷಣೆಯಾಗಿರುವ ಸೀರಾಲಮ್ಮನ ಮಂದಿರವು ನಾಗೊರೆಪಟ್ಟಿನಚೆರಿ ಗ್ರಾಮದಲ್ಲಿದೆ. ಇದು ನಾಗೂರ್ ರೈಲು ನಿಲ್ದಾಣಕ್ಕೆ ತುಂಬಾ ಹತ್ತಿರವಾಗಿದೆ.
ಪ್ರತೀ ವರ್ಷ ಸೀರಾಲಮ್ಮನ ಹಬ್ಬವು ಹತ್ತು ದಿನಗಳ ಕಾಲ ನಡೆಯುತ್ತದೆ. ನಾಗೂರ್ ನಲ್ಲಿ ಪ್ರತೀ ವರ್ಷ ಅಕ್ಟೋಬರ್ ಮತ್ತು ನವಂಬರ್ ನಲ್ಲಿ ನಡೆಯುವ ಕಂಧುರಿ ಹಬ್ಬವನ್ನು ಪ್ರವಾಸಿಗಳು ನೋಡಬಹುದು. ಮರಿಯಮ್ಮ ಮಂದಿರ, ಆಂಜನೇಯ ಮಂದಿರ, ಶಿವನ ಮಂದಿರ ಮತ್ತು ಪೆರುಮಲ್ ಕೊಯಿಲ್ ಮಂದಿರವು ನಗರದಲ್ಲಿನ ಕೆಲವು ಪ್ರಮುಖ ಮಂದಿರಗಳು. ಮಂದಿರ, ಮಸೀದಿ ಮತ್ತು ಪ್ರಾರ್ಥನಾ ಮಂದಿರಗಳನ್ನು ಹೊರತುಪಡಿಸಿ ನಗರದಲ್ಲಿ ಪ್ರವಾಸೋದ್ಯಮ ಮತ್ತು ಕ್ರೀಡೆಗೆ ಯೋಗ್ಯವಾಗಿರುವಂತಹ ಬೀಚ್ ಇದೆ. ರಾಷ್ಟ್ರದೆಲ್ಲೆಡೆಯಿಂದ ಬರುವ ಎಲ್ಲಾ ಧರ್ಮಗಳ ಪ್ರವಾಸಿಗರು ನಾಗೂರ್ ನಲ್ಲಿರುವ ವಿವಿಧ ಪ್ರವಾಸಿ ತಾಣಗಳಿಗೆ ಭೇಟಿ ನೀಡುತ್ತಾರೆ.
ನಾಗೂರ್ ಗೆ ತಲುಪುವುದು ಹೇಗೆ
ನಾಗೂರ್ ಗೆ ತಮಿಳುನಾಡಿನ ವಿವಿಧ ನಗರಗಳಿಂದ ರೈಲು, ವಿಮಾನ ಮತ್ತು ರಸ್ತೆ ಮೂಲಕ ಸಂಪರ್ಕವಿದೆ. ನಗರದಲ್ಲಿರುವ ರೈಲ್ವೆ ಜಂಕ್ಷನ್ ಚೆನ್ನೈ ಮತ್ತು ತಿರುಚಿಗೆ ರೈಲು ಸೇವೆಗಳನ್ನು ಒದಗಿಸುತ್ತದೆ. ನಾಗೂರ್ ಗೆ ತುಂಬಾ ಸಮೀಪದಲ್ಲಿರುವ ವಿಮಾನ ನಿಲ್ದಾಣಗಳೆಂದರೆ ಚೆನ್ನೈ ಮತ್ತು ತಿರುಚಿ ವಿಮಾನ ನಿಲ್ದಾಣಗಳು.
ನಾಗೂರ್ ಹವಾಮಾನ
ನಗರವು ಸಮುದ್ರಕ್ಕೆ ತುಂಬಾ ಹತ್ತಿರದಲ್ಲಿದೆ. ಈ ಕಾರಣದಿಂದ ಕರಾವಳಿಯ ಹವಾಮಾನವನ್ನು ಹೊಂದಿದೆ.