ಬಿಯಸ್ ನದಿಯ ಎಡ ದಂಡೆಯ ಪ್ರಶಾಂತವಾದ ಸ್ಥಳದಲ್ಲಿ ನಿರ್ಮಿಸಲಾಗಿರುವ ಡಾಗ್ಪೋ ಶೆಡ್ರುಪ್ಪಿಂಗ್ ಮಠ ಸನ್ಯಾಸಿಗಳ ಬೀಡಾಗಿದೆ. ಇದನ್ನು 2005 ನೇ ಇಸ್ವಿಯಲ್ಲಿ ದಲಾಯಿ ಲಾಮಾ ಉದ್ಘಾಟಿಸಿದ್ದಾರೆ. ಹಸಿರು ಕಣಿವೆಯ ನಡುವೆ ಇರುವ ಈ ಶ್ರದ್ಧಾ ಕೇಂದ್ರ ಕುಲ್ಲುವಿನಿಂದ ಕೇವಲ 10 ಕಿಲೋಮೀಟರ್ ಅಂತರದಲ್ಲಿರುವುದುರಿಂದ ಸುಲಭವಾಗಿ ಭೇಟಿ ನೀಡಬಹುದಾಗಿದೆ. ಟಿಬೇಟಿಯನ್ ಸನ್ಯಾಸಿಗಳ ಜೀವನಕ್ರಮದ ಒಳನೋಟವನ್ನು ಇಲ್ಲಿ ಹತ್ತಿರದಿಂದ ಕಾಣಬಹುದಾಗಿದೆ. ಈ ಮಠದಲ್ಲಿ ಬುದ್ಧನ ಗಿಲ್ಡೆಡ್ ವರ್ಣಚಿತ್ರಗಳನ್ನು ಆಸ್ವಾದಿಸಬಹುದು. ಬುದ್ಧನ ಸಂದೇಶಗಳನ್ನು ಸಾರುವ ‘ಥಂಕಾಸ್’ ಎಂಬ ವಿಶೇಷವಾದ ರೇಷ್ಮೆಯ ಕಲಾಕೃತಿಗಳು ಕೂಡ ನಿಮ್ಮನ್ನು ಸೆಳೆಯುತ್ತವೆ. ಬುದ್ಧನ ಜ್ಞಾನೋದಯ ಮತ್ತು ಬೌದ್ಧ ಮಾರ್ಗಗಳ ಅನುಭವಕ್ಕಾಗಿ ಈ ಮಠವನ್ನು ದಲಾಯಿ ಲಾಮಾರಿಗೆ ಅರ್ಪಿಸಲಾಗಿದೆ.