ನಾಗಪಟ್ಟಿನಂ ಪಟ್ಟಣದ ಮಧ್ಯ ಭಾಗದಲ್ಲೆ ನೆಲೆಸಿದೆ ಈ ಸುಂದರ ಹಾಗು ಪ್ರಸಿದ್ಧ ಸೌಂದರ್ಯರಾಜಾ ಪೆರುಮಾಳ್ ದೇವಾಲಯ. ವಿಷ್ಣುವಿನ ಅವತಾರವಾದ ಸೌಂದರ್ಯರಾಜನಿಗೆ ಈ ದೇವಾಲಯ ಸಮರ್ಪಿತವಾಗಿದೆ. ಶ್ರೀಮಂತ ಸಂಸ್ಕೃತಿಯನ್ನು ಹೊಂದಿರುವ ಈ ಪುರಾತನ ದೇವಾಲಯದ ವಿಗ್ರಹಗಳು ಬಂಗಾರ ಹಾಗು ಪಚ್ಚೆಗಳಿಂದ ಸಿಂಗರಿಸಲ್ಪಟ್ಟಿವೆ. ದಂಪತಿ ಸಮೇತ ಆದಿಶೇಷ ಹಾಗು ಇತರೆ ಸರ್ಪದೇವತೆಗಳ ವಿಗ್ರಹಗಳನ್ನು ಈ ದೇವಾಲಯದಲ್ಲಿ ಕಾಣಬಹುದಾಗಿದೆ.

ದೇವಾಲಯದ ರಾಜಗೋಪುರವು 70 ಅಡಿ ಎತ್ತರವಾಗಿದ್ದು, ಸುಂದರವಾದ ನಾಲ್ಕು ಖಂಬಗಳ ಮಂಟಪವು ಕಣ್ಮನ ಸೆಳೆಯುತ್ತದೆ. ದೇವಾಲಯದ ಇತರೆ ಆಕರ್ಷಣೆಗಳೆಂದರೆ, ಪವಿತ್ರ ನೀರಿನ ಮೂಲವಾದ ಸೌಂದರ್ಯ ಪುಷ್ಕರಂಜ್ ಮತ್ತು ವಸಂತ ಮಂಟಪಂ. ವಾಸ್ತುಶಿಲ್ಪ ಹಾಗು ಐತಿಹಾಸಿಕ ದೃಷ್ಟಿಯಿಂದ ಈ ದೇವಾಲಯವು ಬಹಳ ಪ್ರಸಿದ್ಧವಾಗಿದೆ. ವಿಷ್ಣು ಭಕ್ತರಂತೂ ಭೇಟಿ ನೀಡಲೆ ಬೇಕಾದ ಗುಡಿ ಇದೆಂದು ಹೇಳಿದರೆ ಅತಿಶಯೋಕ್ತಿಯೆನಲ್ಲ.