ಝಾರಿಪಾನಿ ಹಳ್ಳಿಯ ಸಮೀಪದಲ್ಲಿರುವ, ಮಸ್ಸೂರಿಯಿಂದ ಸುಮಾರು 7 ಕಿ. ಮೀ ದೂರದಲ್ಲಿರುವ ಝಾರಿಪಾನಿ ಜಲಪಾತ ಇಲ್ಲಿನ ಮತ್ತೊಂದು ಆಕರ್ಷಣೆ. ಇಲ್ಲಿನ ಪ್ರಮುಖ ಶೈಕ್ಷಣಿಕ ಸಂಸ್ಥೆಗಳಾದ ಸೈಂಟ್ ಜಾರ್ಜ್ಸ್, ದಿ ಓಕ್ ಗ್ರೂವ್ ಮತ್ತು ವೈನ್ ಬರ್ಗ ಆಲನ್ ಗಳಿಗೆ ಈ ಜಲಪಾತ ಬಹಳ ಸಮೀಪದಲ್ಲಿದೆ. ಪಿಕ್ ನಿಕ್ ಗೆ ಹೇಳಿ ಮಾಡಿಸಿದ ಸ್ಥಳ ಇದಾಗಿದೆಯಲ್ಲದೆ ಪ್ರಕೃತಿ ಪ್ರಿಯರಿಗೆ ಮತ್ತು ಸಾಹಸಿ ಗಳಿಗೂ ಇಲ್ಲಿ ಸಾಕಷ್ಟು ಅವಕಾಶಗಳಿವೆ.
ವಿಧ ವಿಧದ ಹೂವುಗಳು, ಸಸ್ಯಗಳು, ಪೊದೆಗಳೊಂದಿಗೆ ಆವೃತವಾದ ಈ ಸ್ಥಳದಿಂದ ಶಿವಾಲಿಕ್ ಶ್ರೇಣಿಯ ಅದ್ಭುತವಾದ ದೃಶ್ಯ ಕಾಣುತ್ತದೆ. ಡೂನ್ ಕಣಿವೆ ಮತ್ತು ಮೆಟ್ಟಿಲು ಮೆಟ್ಟಿಲಾದ ನೆಲ ಇದರ ಇನ್ನೊಂದು ಬದಿಗೆ ಇದೆ. ಝಾರಿಪಾನಿ ಹಳ್ಳಿಯಿಂದ ಬಸ್ಸುಗಳು ಮತ್ತು ಆಟೋ ರಿಕ್ಷಾಗಳು ಈ ಜಲಪಾತದ ತನಕ ನಿಮ್ಮನ್ನು ಕೊಂಡೊಯ್ಯುತ್ತವೆ. ಚಾರಣ ಪ್ರಿಯರು 2 ಕಿ.ಮೀ ನಡೆಯುವ ಮೂಲಕವೂ ಇಲ್ಲಿಗೆ ತಲುಪಬಹುದು.