ಏಷ್ಯಾದ ದೊಡ್ಡ ಮನೋರಂಜನಾ ಉದ್ಯಾನದ ಒಳಗಡೆ ಪ್ರವೇಶಿಸಲು ಸಿದ್ಧರಾಗಿ ! ಡಿಸ್ನಿ ಲ್ಯಾಂಡ್ ಅನ್ನು ಮಾದರಿಯಾಗಿಟ್ಟುಕೊಂಡು ಮಾಡಿದ ಎಸ್ಸೆಲ್ ವರ್ಡ್ ಮನೋರಂಜನಾ ತಾಣವನ್ನು ನೋಡಲು ಸುಂದರವಾಗಿದೆ. ಇದು ಎಲ್ಲಾ ವಯೋಮಾನದವರಿಗೂ ಎಲ್ಲಾ ಆಸಕ್ತಿಗಳಿಗೂ ಸೂಕ್ತವಾದ ತಾಣವಾಗಿದೆ. ಇದು ಯಾವುದೇ ವಿದೇಶಿ ಮನೋರಂಜನಾ ತಾಣಕ್ಕಿಂತ ಕಡಿಮೆಯಿಲ್ಲ ಎಂದು ನೋಡಿದವರೆಲ್ಲರ ಅಭಿಮತವಾಗಿದೆ.  

ವಾಟರ್ ಕಿಂಗ್ಡಮ್, ಇದೊಂದು ಎಸ್ಸೆಲ್ ವರ್ಡ್ ಬಲಬದಿಯಲ್ಲಿರುವ ಥೀಮ್ ಪಾರ್ಕ್. ಎಸ್ಸೆಲ್ ವರ್ಡ್ ಮತ್ತು ವಾಟರ್ ಕಿಂಗ್ಡಮ್ ಎರಡೂ ತಾಣಗಳಿಗೆ ಜಂಟಿಯಾಗಿ ಒಂದು ಪಾಸ್ ಉಪಲಬ್ಧವಿದೆ. ಆದರೆ ಎರಡೂ ತಾಣಗಳಿಗೂ ಎರಡು ದಿನ ಹೋದರಷ್ಟೆ ಇಲ್ಲಿನ ಎಲ್ಲಾ ಆಟಗಳನ್ನು ಆನಂದಿಸಲು ಸಾಧ್ಯ. ಅಂತಾ ರಾಷ್ಟ್ರೀಯ ಗುಣಮಟ್ಟದ ನೀರಿನ ಆಟಗಳು ಹಾಗೂ ವಾಟರ್ ಪಾರ್ಕ್ ಇದಾಗಿದೆ. ಸ್ಲೈಡ್ ಗಳು ಹಾಗೂ ಅಲೆಯುಕ್ಕಿಸುವ ಕೊಳಗಳು ಅತ್ಯಂತ ಸುಂದರವಾಗಿವೆ.