ಸಿತ್ಲಾ ಮುಕ್ತೇಶ್ವರದಿಂದ 5 ಕಿ.ಮೀ ದೂರದಲ್ಲಿರುವ ಒಂದು ಪ್ರಸಿದ್ಧ ಪ್ರವಾಸಿ ತಾಣವಾಗಿ ಗುರುತಿಸಲ್ಪಟ್ಟಿದೆ. ಇದೊಂದು ಸುಂದರವಾದ ಗಿರಿಧಾಮವಾಗಿದ್ದು, ಸಮುದ್ರ ಮಟ್ಟದಿಂದ 6000 ಅಡಿ ಎತ್ತರದಲ್ಲಿ ನೆಲೆಗೊಂಡಿದೆ. ಈ ಸ್ಥಳವು ಹಿಮಾಲಯದ ಅದ್ಭುತವಾದ ಗಿರಿಶಿಖರಗಳ ನೋಟವನ್ನು ಒದಗಿಸುತ್ತದೆ. ಇದು ಸುಮಾರು 39 ಎಕರೆಗಳಷ್ಟು ವಿಸ್ತೀರ್ಣವನ್ನು ಹೊಂದಿದೆ. ದಟ್ಟವಾದ ಹಚ್ಚ ಹಸಿರಿನ ಓಕ್, ಪೈನ್ ಮರಗಳು ಮತ್ತು ತೋಟಗಳು ಇಲ್ಲಿವೆ. ಪ್ರವಾಸಿಗರು ಇಲ್ಲಿ ನೂರು ವರ್ಷಕ್ಕೂ ಮಿಗಿಲಾದ ಹಳೆಯ ಕಲ್ಲಿನ ಕಟ್ಟಡವನ್ನು ನೋಡಬಹುದು. ಈ ಬಂಗಲೆಯನ್ನು ಸಿತ್ಲಾ ಎಸ್ಟೇಟ್ ಎಂದು ಕರೆಯುತ್ತಾರೆ. ಪ್ರವಾಸಿಗರು ಇಲ್ಲಿ ಲಾಡ್ಜಿಂಗ್ ಸೌಲಭ್ಯವನ್ನು ಸಹ ಪಡೆಯಬಹುದು.
ಸಿತ್ಲಾ ಪ್ರಾಂತ್ಯವನ್ನು ಚಿರಾಗ್ (CHIRAG - ಸೆಂಟ್ರಲ್ ಹಿಮಾಲಯನ್ ರೂರಲ್ ಆಕ್ಷನ್ ಗ್ರೂಪ್) ಎಂಬ ಸರ್ಕಾರೇತರ ಸಂಸ್ಥೆಯು ಅಭಿವೃದ್ಧಿಪಡಿಸಿದೆ. ಇವರ ಪರಿಶ್ರಮದ ಫಲವಾಗಿ ಈ ಪ್ರಾಂತ್ಯದಲ್ಲಿ ಪ್ರವಾಸೋದ್ಯಮವು ಅಭಿವೃದ್ಧಿ ಕಂಡಿದೆ.