ಮಂಡೂಕ ಬಂಡೆಯು ಮೌಂಟ್ ಅಬುವಿನ ಪ್ರಸಿದ್ಧ ಪ್ರವಾಸಿ ಆಕರ್ಷಣೆಗಳಲ್ಲಿ ಒಂದಾಗಿದೆ. ಈ ಬೃಹತ್ ಬಂಡೆಯು ಪ್ರಸಿದ್ಧ ನಕ್ಕಿ ಕೆರೆಯ ಬಳಿಯಲ್ಲಿ ಇದೆ. ಇದು ಈ ಬೆಟ್ಟದ ನಗರಿಯ ಪ್ರಮುಖ ಚಾರಣ ಮಾರ್ಗದಲ್ಲಿ ನೆಲೆಗೊಂಡಿದೆ. ಈ ಎತ್ತರವಾದ ಬಂಡೆಯು ಒಂದು ಮಂಡೂಕ (ಕಪ್ಪೆ)ವನ್ನು ಹೋಲುವುದರಿಂದಾಗಿ ಇದಕ್ಕೆ “ ಮಂಡೂಕ ಬಂಡೆ” ಎಂಬ ಹೆಸರು ಬಂದಿದೆ.
ಇದರ ಜೊತೆಗೆ ಇಲ್ಲಿ ಹಲವಾರು ಬಂಡೆಯ ರಚನೆಗಳನ್ನು ನಾವು ಗಮನಿಸಬಹುದು. ಅವುಗಳಲ್ಲಿ ಒಂಟೆ ಬಂಡೆ, ನಂದಿ ಬಂಡೆ ಮತ್ತು ನನ್ ಬಂಡೆಗಳು ಪ್ರಮುಖವಾದವುಗಳಾಗಿವೆ. ಈ ಬಂಡೆಗಳು ಚಾರಣಕ್ಕೆ ಹೇಳಿ ಮಾಡಿಸಿದವಾಗಿವೆ. ಚಾರಣಿಗರು ಇಲ್ಲಿನ ಬಂಡೆಗಳ ಮೇಲಿನಿಂದ ನಕ್ಕಿ ಕೆರೆ ಮತ್ತು ಸುತ್ತ ಮುತ್ತಲ ಪರಿಸರದ ವಿಹಂಗಮ ನೋಟವನ್ನು ನೋಡಿ ಆನಂದಿಸಬಹುದು.