ಅಚಲ್ ಘಡ್ ಎಂಬುದು ರಾಜ್ ಮಚಿಯಲ್ಲಿರುವ ಒಂದು ಸಣ್ಣ ಹಳ್ಳಿಯಾಗಿದೆ. ಮೌಂಟ್ ಅಬುವಿನಿಂದ ಸುಮಾರು 11 ಕಿ,ಮೀ ದೂರದಲ್ಲಿರುವ ಈ ಸ್ಥಳವು ಅಚಲ್ ಘಡ್ ಕೋಟೆಯಿಂದಾಗಿ ಪ್ರಸಿದ್ಧವಾಗಿದೆ. ಈ ಕೋಟೆಯು ತನ್ನ್ ಐತಿಹಾಸಿಕ ಮತ್ತು ಧಾರ್ಮಿಕ ಮಹತ್ವದಿಂದಾಗಿ ಮೌಂಟ್ ಅಬು ಗಿರಿಧಾಮಕ್ಕೆ ಬರುವ ಪ್ರವಾಸಿಗರನ್ನು ತನ್ನತ್ತ ಸೆಳೆಯುತ್ತಿದೆ. ಮೂಲತಃ ಪರ್ಮರ ಸಾಮ್ರಾಜ್ಯದ ರಾಜರಿಂದ ನಿರ್ಮಾಣಗೊಂಡ ಈ ಕೋಟೆಯು 1452 ರಲ್ಲಿ ಮೇವಾಡದ ರಾಜ ರಾಣಾ ಕುಂಭನಿಂದ ಅಚಲ್ ಘಡ್ ನಲ್ಲಿ ಪುನರ್ ನಿರ್ಮಾಣಗೊಂಡಿತು. ಅಚಲೇಶ್ವರ್ ಮಹಾದೇವ್ ದೇವಾಲಯವು ಅಚಲ್ ಘಡ್ ಕೋಟೆಯ ಆವರಣದಲ್ಲಿ ಸ್ಥಾಪನೆಗೊಂಡಿದೆ. ಇದು ಶಿವನ ದೇವಾಲಯವಾಗಿದೆ. ನಂಬಿಕೆಗಳ ಪ್ರಕಾರ ಸ್ವಾಮಿ ಪರಶಿವನ ಹೆಜ್ಜೆಗುರುತುಗಳು ಈ ದೇವಾಲಯದಲ್ಲಿರುವ ಪವಿತ್ರ ಬಂಡೆಯ ಮೇಲೆ ಕಾಣಬಹುದಾಗಿದೆಯಂತೆ. ಈ ದೇವಾಲಯದಲ್ಲಿ ಶಿಲೆಯಲ್ಲಿ ಕೆತ್ತಿದ ಮೂರು ದೊಡ್ಡ ಎಮ್ಮೆಗಳ ಜೊತೆಗೆ, ಕಂಚಿನಲ್ಲಿ ಮಾಡಿದ ಶಿವನ ವಾಹನ ನಂದಿಯ ಬೃಹತ್ ವಿಗ್ರಹವನ್ನು ಸಹ ಕಾಣಬಹುದು. ಧಾರ್ಮಿಕ ಮಹತ್ವದ ಕಾರಣವಾಗಿ ಈ ಕೋಟೆಯಲ್ಲಿ ಕೆಲವು ಜೈನ ದೇವಾಲಯಗಳನ್ನು ಸಹ ನಾವು ಕಾಣಬಹುದು.