ಪುಲ್ಗ ಎಂಬುದು ಮನಿಕರನ್ನಿಂದ 18 ಕಿ.ಮೀ ದೂರವಿರುವ ಒಂದು ಸ್ಥಳವಾಗಿದ್ದು ಮನಿಕರನ್ನ ಪ್ರಸಿದ್ಧ ಯಾತ್ರಾ ಸ್ಥಳವಾಗಿದೆ. ತನ್ನ ಸುತ್ತಲು ಇರುವ ಸುಂದರವಾದ ಪೈನ್ ಕಾಡುಗಳು ಮತ್ತು ಹಲವಾರು ಚಾರಣದ ಹಾದಿಗಳ ಸಲುವಾಗಿ ಇದು ಪ್ರಾಕೃತಿಕ ಸ್ವರ್ಗವೆಂದು ಪರಿಗಣಿಸಲ್ಪಟ್ಟಿದೆ. ಚಾರಣದ ಕುರಿತಾದ ಆಸಕ್ತಿ ಇರುವ ಪ್ರವಾಸಿಗರು ಇಲ್ಲಿರುವ 16 ಕಿ.ಮೀ ಗಳ ಚಾರಣದ ಹಾದಿಯನ್ನು ಕ್ರಮಿಸಬಹುದು.
ಇದು ಚಾರಣಿಗರಿಗೆ 1600 ಮೀಟರ್ ಎತ್ತರವನ್ನು ಏರುವ ಅವಕಾಶವನ್ನು ಸಹ ಒದಗಿಸುತ್ತದೆ. ಈ ಹಾದಿಯು ಪುಲ್ಗವನ್ನು ಕಸೊಲ್ನೊಂದಿಗೆ ಸಂಪರ್ಕಿಸುತ್ತದೆ. ಪುಲ್ಗಗೆ ಭೇಟಿಕೊಡುವ ಪ್ರವಾಸಿಗರು ಮನಿಕರನ್ ಮತ್ತು ಖಿರಂಗಕ್ಕೆ ಚಾರಣವನ್ನು ಕೈಗೊಳ್ಳಬಹುದು. ಈ ಸ್ಥಳದಲ್ಲಿ ಹಚ್ಚ ಹಸಿರಿನ ಗದ್ದೆ ಮತ್ತು ತೋಟಗಳ ನಡುವೆ ಒಂದು ಅರಣ್ಯ ವಿಶ್ರಾಂತಿಗೃಹವಿದೆ. ಅಲ್ಲಿ ಬೇಕಾದರೆ ಪ್ರವಾಸಿಗರು ವಿಶ್ರಾಂತಿಯನ್ನು ಪಡೆಯಬಹುದು.