ಮುಂಡ್ರಾ ತಾಲ್ಲೂಕಿನಿಂದ ಸುಮಾರು 32 ಕಿ.ಮೀ ದೂರವಿರುವ ಭದ್ರೇಶ್ವರದಲ್ಲಿರುವ ಜೈನ್ ಕಾಂಪ್ಲೆ಼ಕ್ಸ್ ಜೈನರ ಪಾಲಿನ ಪವಿತ್ರ ತಾಣವಾಗಿದೆ. ಅಚ್ಚ ಬಿಳಿಯ ಅಮೃತಶಿಲೆಯಿಂದ ನಿರ್ಮಿಸಲ್ಪಟ್ಟ ದೇವಾಲಯದಲ್ಲಿ ಐವತ್ತೆರಡು ಕಿರಿಯ ದೇವಾಲಯಗಳಿವೆ. ಇವುಗಳಲ್ಲಿ ಒಂದು ಕ್ರಿ.ಪೂ 500ನೇ ಇಸವಿಯ ಪಾರ್ಶವನಾಥನ ವಿಗ್ರಹ ಎಂದು ತಿಳಿದುಬರುತ್ತದೆ. ಈ ದೇವಾಲಯವನ್ನು ಎಂದು ನಿರ್ಮಿಸಲಾಗಿದೆ ಎನ್ನುವ ಬಗ್ಗೆ ಸ್ಪಷ್ಟ ದಾಖಲೆಗಳು ಲಭ್ಯವಿಲ್ಲ. ಭದ್ರೇಶ್ವರದಲ್ಲಿರುವ ಎರಡು ಮಸೀದಿಗಳು ಸಹಾ ಕ್ರಿ. ಶ 12ನೇ ಶತಮಾನದಲ್ಲಿ ಕಟ್ಟಿರುವ ಬಗ್ಗೆ ದಾಖಲೆಗಳಿವೆ. ಇರಾನ್ ವಾಸ್ತುಶಿಲ್ಪ ಹೊಂದಿರುವ ಈ ಮಸೀದಿಗಳು ಅಂದು ದೆಹಲಿಯನ್ನು ಆಳಿದ್ದ ಮೊಘಲರ ಕಾಲಕ್ಕೂ ಮುನ್ನ ಇರಾನಿಯರ ಆಕ್ರಮಣದ ಸಾಕ್ಷಿಗಳಾಗಿ ನಿಂತಿವೆ.