ಮಂಡಿ ಜಿಲ್ಲೆಯ ಕಮ್ರು ಬೆಟ್ಟಗಳ ಶ್ರೇಣಿಯಲ್ಲಿರುವ ಕಮ್ರು ಹಳ್ಳಿಯಲ್ಲಿದೆ ಈ ಕಮ್ರುನಾಗ್ ದೇವಾಲಯ. ಇಲ್ಲಿ ಕಮ್ರು ನಾಗ್ ಅಥವಾ ಮಳೆಯ ದೇವರ ಆರಾಧನೆ ಆಗುತ್ತದೆ. ಸ್ಥಳೀಯರಿಂದ ಈ ಆಚರಣೆ ಆಗುತ್ತದೆ. ಪ್ರತಿ ವರ್ಷ ಅಪಾರ ಸಂಖ್ಯೆಯಲ್ಲಿ ಭಕ್ತರು ಈ ದೇಗುಲಕ್ಕೆ ಭೇಟಿ ನೀಡುತ್ತಾರೆ. ಇಲ್ಲಿ ಪ್ರತಿ ವರ್ಷ ಜೂನ್ 14 ರಂದು ವಿಶೇಷ ಉತ್ಸವ ನಡೆಯುತ್ತದೆ. ಸ್ಥಳೀಯ ಸಂಪ್ರದಾಯದ ಪ್ರಕಾರ, ಭಕ್ತರು ದೇವಾಲಯಕ್ಕೆ ನೋಟು, ನಾಣ್ಯ, ಆಭರಣವನ್ನು ಅರ್ಪಿಸುತ್ತಾರೆ. ಇದನ್ನವರು ಕಮ್ರುನಾಗ್ ಕೆರೆಗೆ ಹಾಕುತ್ತಾರೆ. ಈ ಕೆರೆಯನ್ನು ಕಮ್ರುವಾ ಕೆರೆ ಅಂತಲೂ ಸ್ಥಳೀಯರು ಕರೆಯುತ್ತಾರೆ.