ಪಾಲಕ್ಕಾಡ್ ಪ್ರಮುಖ ಪ್ರವಾಸಿ ಆಕರ್ಷಣೆಗಳಲ್ಲಿ ಮಲಂಪುಳಾ ಅಣೆಕಟ್ಟು ಒಂದಾಗಿದೆ, ಇದು ಕೇರಳದ ಅತಿದೊಡ್ಡ ನೀರಾವರಿ ಜಲಾಶಯವಾಗಿದ್ದು, ಕಲ್ಲಿನ ಅಣೆಕಟ್ಟನ್ನು ಹೊಂದಿದೆ. ಈ ಅಣೆಕಟ್ಟು ಕಾಲುವೆ ವ್ಯವಸ್ಥೆಗಳ ವ್ಯಾಪಕ ಜಾಲವನ್ನು ಒಳಗೊಂಡಿದೆ, ಈ ಭವ್ಯವಾದ ಜಲಾಶಯಕ್ಕೆ ಹೊಂದಿಕೊಂಡು ಅಂಕುಡೊಂಕಾದ ಪರ್ವತ ಶ್ರೇಣಿಗಳ ನಯನಮನೋಹರ ನೋಟ ಕಾಣಸಿಗುತ್ತದೆ.
ಈ ಅಣೆಕಟ್ಟು ಪಾಲಕ್ಕಾಡ್ ಪಟ್ಟಣದಿಂದ ಸುಮಾರು 10 ಕಿಮೀ ದೂರದಲ್ಲಿದ್ದು ರಸ್ತೆ ಮೂಲಕ ಸುಲಭವಾಗಿ ತಲುಪಬಹುದು. ಇದಕ್ಕೆ ಹೊಂದಿಕೊಂಡು ತೋಟ ಮತ್ತು ಮನರಂಜನಾ ಉದ್ಯಾನವಿದೆ. 1955 ರಲ್ಲಿ ನೀರಾವರಿ ಯೋಜನೆಯನ್ನು ಪ್ರಾರಂಭಿಸಲಾಯಿತು.
ಮಲಂಪುಳಾ ನದಿಗೆ ಅಡ್ಡಲಾಗಿ ನಿರ್ಮಿಸಿದ ಈ ಅಣೆಕಟ್ಟು ಒಂದು ಉತ್ತಮ ಪ್ರವಾಸಿ ತಾಣವಾಗಿದ್ದು, ಜೊತೆಗೆ ಆ ಪ್ರದೇಶದ ನೀರಾವರಿ ಅಗತ್ಯವನ್ನೂ ಪೂರೈಸುತ್ತದೆ. ಇಲ್ಲಿ ದೋಣಿ ವಿಹಾರ, ಅಣೆಕಟ್ಟು ವೀಕ್ಷಣೆ ಮುಂತಾದ ಕೆಲವು ಮನರಂಜನೆಗಳು ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಇದು ಕುಟುಂಬ ಪ್ರವಾಸ ಹಾಗೂ ಒಂದು ದಿನದ ಪ್ರವಸಕ್ಕೂ ಸೂಕ್ತ ತಾಣವಾಗಿದೆ.