ಲುಂಗ್ಲೈ ಮಿಜೋರಂನ ಏಳು ಜಿಲ್ಲೆಗಳಲ್ಲಿ ಒಂದು. ಇದು ರಾಜ್ಯದ ಅತಿಹೆಚ್ಚು ಜನಸಂಖ್ಯೆ ಹೊಂದಿರುವ ಜಿಲ್ಲೆಗಳಲ್ಲಿ ಒಂದು. ಜಿಲ್ಲೆಯ ಮುಖ್ಯ ಕೇಂದ್ರ ಕಛೇರಿಯಾಗಿದ್ದು ಇಲ್ಲಿನ ಮುಖ್ಯ ಪಟ್ಟಣವಾಗಿದೆ. ಲುಂಗ್ಲೈ ಅನ್ನು ಲುಂಗ್ಲೇಹ್ ಎಂದು ಕೂಡ ಕರೆಯುತ್ತಾರೆ. ಇದರರ್ಥ ‘ಕಲ್ಲಿನ ಸೇತುವೆ’. ನಾಗಸಿಹ್ದಲ್ಲಿನ ನದಿಯೊಂದರಲ್ಲಿ ಕಲ್ಲೊಂದು ಸೇತುವೆಯ ಹಾಗೆ ಕಾಣಿಸುವುದರಿಂದ ಇದಕ್ಕೆ ಈ ಹೆಸರು ಬಂದಿದೆ. ಇದು ತ್ಲವಾಂಗ್ ನದಿಯ ಉಪನದಿ. ಈ ಕಲ್ಲಿನಿಂದ ಲುಂಗ್ಲೈ ತನ್ನ ಹೆಸರನ್ನು ಪಡೆದುಕೊಂಡಿದೆ.
ಇದು ಪ್ರಕೃತಿಪ್ರಿಯರಿಗೆ ಸ್ವರ್ಗವಿದ್ದಂತೆ. ಈ ಪ್ರದೇಶದ ಸುತ್ತಮುತ್ತಲು ಹಲವು ಜನಜಂಗುಳಿಯಿಂದ ದೂರವಾದ ಪ್ರಶಾಂತ ತಾಣಗಳಿವೆ. ಇಲ್ಲಿಂದ 50 ಕಿಮೀ ದೂರದಲ್ಲಿ ಬುದ್ಧನ ವಿಗ್ರಹವೊಂದಿದೆ. ಕುತೂಹಲಕಾರಿ ವಿಷಯವೆಂದರೆ ಇಡೀ ರಾಜ್ಯದಲ್ಲಿ ಇರುವುದು ಇದೊಂದೇ ಬುದ್ಧನ ವಿಗ್ರಹ. ಇದು ಇಲ್ಲಿಗೆ ಹೇಗೆ ಬಂತು ಎಂಬುದು ಇಂದಿಗೂ ತಿಳಿಯದ ವಿಷಯ. ಇದು ಈ ಪ್ರದೇಶದ ಪ್ರವಾಸವನ್ನು ಆಸಕ್ತಿದಾಯಕವಾಗಿಸಿದೆ.
ಸುತ್ತಮುತ್ತಲ ಪ್ರವಾಸಿ ತಾಣಗಳು
ಲುಂಗ್ಲೈನಲ್ಲಿ ಹಲವು ಪ್ರವಾಸಿ ತಾಣಗಳಿವೆ. ಕವ್ನಾಂಗ್ಲುಂಗ್ ಅರಣ್ಯಧಾಮ, ಕಾವ್ಮಜಾವಿ ಉದ್ಯಾನವನ, ಸಾಯಿಕುಟಿ ಹಾಲ್ ಮತ್ತು ಟರ್ಫ್ ಫುಟ್ಬಾಲ್ ಮೈದಾನ- ತೌಮ್ಲುಯೈಯ ಮೌಲ್. ಲುಂಗ್ಲೈ ಪ್ರವಾಸೋದ್ಯಮವು ಹಲವು ನದೀ ತೀರದ ಪಿಕ್ನಿಕ್ ತಾಣಗಳಿಗೆ ಪ್ರಸಿದ್ಧವಾಗಿದೆ.
ತಲುಪುವುದು ಹೇಗೆ?
ಲುಂಗ್ಲೈನ ಕೇಂದ್ರಕಛೇರಿಯು ಮಿಜೋರಂನ ರಾಜಧಾನಿ ಐಜ್ವಾಲ್ನಿಂದ 175 ಕಿಮೀ ದೂರದಲ್ಲಿದೆ. ಇದು ರಾಜಧಾನಿ ಮತ್ತು ಮಿಜೋರಂನ ಉಳಿದ ಭಾಗಗಳೊಂದಿಗೆ ಉತ್ತಮ ಸಂಪರ್ಕ ಹೊಂದಿದೆ.
ಹವಾಮಾನ
ಲುಂಗ್ಲೈ ಜಿಲ್ಲೆಯು ವರ್ಷ ಪೂರ್ತಿ ಆಹ್ಲಾದಕರ ವಾತಾವರಣವನ್ನು ಹೊಂದಿರುತ್ತದೆ. ವರ್ಷದ ಮೂರು ಋತುಗಳಲ್ಲೂ ಉಷ್ಣತೆಯು ಎಂದೂ ತಡೆಯಲಾರದಷ್ಟು ಹೆಚ್ಚಾಗುವುದೇ ಇಲ್ಲ. ಆದ್ದರಿಂದ ಪ್ರವಾಸಿಗರು ಯಾವುದೇ ಸಮಯದಲ್ಲಾದರೂ ಇಲ್ಲಿಗೆ ಭೇಟಿ ನೀಡಬಹುದು.