ಆರಾಧನೆಯ ದೊಡ್ಡ ಸ್ಥಳ ಎನ್ನುವುದೇ ಬಾರಾ ಇಮಾಂಬರಾದ ಅರ್ಥ. 1783ರಲ್ಲಿ ಲಖನೌನ ನವಾಬ್ ಆಗಿದ್ದ ಅಸಫ್ ಉದ್ ದೌಲ್ಹಾ ಇದನ್ನು ನಿರ್ಮಿಸಿದ್ದರಿಂದ ಕಾರಣಕ್ಕಾಗಿ ಇದನ್ನು ಅಸಫಿ ಇಮಾಂಬರಾ ಎಂದೂ ಕರೆಯಲಾಗುತ್ತದೆ. ಇಮಾಂಬರಾ ನಗರದ ಅತ್ಯಂತ ಭವ್ಯ ಕಟ್ಟಡಗಳಲ್ಲಿ ಒಂದಾಗಿದೆ.
ಈ ಕಟ್ಟಡದಲ್ಲಿ ಒಂದು ಸಮಾಧಿ, ಭೂಲ್ ಭುಲೈಯಾ ಎನ್ನುವ ಚಕ್ರವ್ಯೂಹ, ಮೆಟ್ಟಿಲುಗಳಿರುವ ಬಾವಿ ಮತ್ತು ಮೇಲಾವರಣದ ಅಡಿಯಲ್ಲಿ ನವಾಬ್ ನ ಸಮಾಧಿಯಿದೆ. ಇಮಾಂಬರಾದ ವಾಸ್ತುಶಿಲ್ಪವು ವಿಶ್ವದ ಐದನೇ ಅತೀ ದೊಡ್ಡ ಮಸೀದಿಯಾಗಿರುವ ಪಾಕಿಸ್ತಾನದ ಲಾಹೋರ್ ನ ಬಾದಶಾಹಿ ಮಸೀದಿಯಲ್ಲಿರುವ ಮುಘಲ್ ಶೈಲಿಯನ್ನು ಹೋಲುತ್ತದೆ.
ಇದರ ವಿನ್ಯಾಸದ ಗಮನಾರ್ಹ ಲಕ್ಷಣವೆಂದರೆ ಯಾವುದೇ ರೀತಿಯ ಕಬ್ಬಿಣ ಮತ್ತು ಯುರೋಪಿಯನ್ ಶೈಲಿಯ ವಾಸ್ತುಶಿಲ್ಪದ ಗುಣಲಕ್ಷಣಗಳನ್ನು ಬಳಸದೆ ನಿರ್ಮಿಸಲಾಗಿದೆ. ಕಟ್ಟಡದ ಮಧ್ಯ ಹಾಲ್ ನಲ್ಲಿ ಯಾವುದೇ ಕಂಬಗಳಿಲ್ಲದೆ 50x16x15 ಮೀಟರ್ ನ ಸೀಲಿಂಗ್ ಇದೆ. ಬಾರಾ ಇಮಾಂಬರಾ ಇದರ ಚಕ್ರವ್ಯೂಹಕ್ಕೆ ಹೆಚ್ಚು ಪ್ರಸಿದ್ದಿಯಾಗಿದ್ದು, ಗೊಂದಲಕಾರಿ ಹಾದಿಗಳು ಒಂದಕ್ಕೊಂದನ್ನು ಸಂಪರ್ಕಿಸುತ್ತದೆ ಮತ್ತು 489 ಬಾಗಿಲುಗಳಿವೆ. ಗೋಮ್ತಿ ನದಿಗೆ ಹೋಗಲು ಮೈಲು ಉದ್ದದ ಸುರಂಗ(ಈಗ ಮುಚ್ಚಲಾಗಿದೆ) ಇದರೊಳಗಡೆಯಿದೆ.