ಪಂಚಚುಲಿ ಹಿಮನದಿಯು ಉತ್ತರ್ ಖಂಡ್‍ನ ಪಿತೋರಗಢ್ ಜಿಲ್ಲೆಯಲ್ಲಿ ನೆಲೆಗೊಂಡಿದೆ. ಇದು ಕುಮಾವೂನ್ ನ ಪೂರ್ವ ಭಾಗದಲ್ಲಿ ನೆಲೆಗೊಂಡಿದೆ. ಈ ಹಿಮನದಿಯು ಹಿಮಚ್ಛಾಧಿತ ಪರ್ವತಗಳ ಮೇಲೆ ಇರುವ ಹಿಮದಿಂದ ಉಂಟಾಗಿದೆ. ಈ ಹಿಮನದಿಯು ಈ ಪ್ರಾಂತ್ಯದ ಪ್ರಮುಖ ಆಕರ್ಷಣೆಗಳಲ್ಲಿ ಒಂದಾಗಿದೆ. ಈ ಹಿಮನದಿಗೆ ಪಿತೋರಗಡ್‍ನಿಂದ 134 ಕಿ.ಮೀ ಮತ್ತು ಧಾರ್ಚುಲದಿಂದ 35 ಕಿ.ಮೀ ದೂರದಲ್ಲಿರುವ ಸೊಬ್ಲ ಬಸ್ ನಿಲ್ದಾಣದಿಂದ ತಲುಪಬಹುದು.

ಸೊಬ್ಲದಿಂದ ಸಾಗುವ 40 ಕಿ.ಮೀ ದೂರದ ಚಾರಣವು ಪಂಚಚುಲಿ ಹಿಮನದಿಗೆ ತಲುಪುತ್ತದೆ. ಈ ಚಾರಣದ ಹಾದಿಯು ಹಿಮಾಚ್ಚಾಧಿತ ಪರ್ವತಗಳು ಮತ್ತು ಪರ್ವತಮಯವಾದ ಹುಲ್ಲುಗಾವಲುಗಳ ಮೂಲಕ ಸಾಗುತ್ತದೆ. ಈ ಹಿಮನದಿಯ ಆಡಳಿತವನ್ನು ನೋಡಿಕೊಳ್ಳುವ ಪ್ರಾಧಿಕಾರವು ಪ್ರವಾಸಿಗರನ್ನು ಈ ಸ್ಥಳದಲ್ಲಿರುವ ಹಳ್ಳಿಗಳಲ್ಲಿ ಉಳಿದುಕೊಳ್ಳಲು ಉತ್ತೇಜಿಸುತ್ತದೆ. ಇದರಿಂದ ಈ ಪ್ರಾಂತ್ಯದ ಸಂಸ್ಕೃತಿಯನ್ನು ಉತ್ತಮ ರೀತಿಯಲ್ಲಿ ಪ್ರವಾಸಿಗರು ಅರ್ಥ ಮಾಡಿಕೊಳ್ಳಬಹುದು ಎಂಬ ಸದುದ್ದೇಶವನ್ನು ಇದು ಹೊಂದಿದೆ.