ಕಫ್ನಿ ಗ್ಲೇಸಿಯರ್ ಕುಮಾವೂನ್ ನಲ್ಲಿರುವ ಹಿಮಾಲಯ ಪರ್ವತ ಶ್ರೇಣಿಯ ಆಗ್ನೇಯ ಭಾಗದಲ್ಲಿ ನೆಲೆಗೊಂಡಿದೆ. ಕಫ್ನಿ ನದಿಯು ಇಲ್ಲಿ ಉಗಮಗೊಳ್ಳುತ್ತದೆ. ಇದು ಪಿಂಡರ್ ನದಿಯ ಉಪನದಿಗಳಲ್ಲಿ ಒಂದಾಗಿದೆ. ಪಿಂಡರ್ ನದಿಯು ಅಲಕಾನಂದ ನದಿಯ ಉಪನದಿಗಳಲ್ಲಿ ಒಂದಾಗಿದೆ. ಈ ನದಿಯು ಸಹ ಕಡೆಗೆ ಗಂಗಾನದಿಯೊಂದಿಗೆ ಸಂಗಮಗೊಳ್ಳುತ್ತದೆ. ಕಫ್ನಿ ಗ್ಲೇಸಿಯರ್ ಗೆ ಸಮೀಪದಲ್ಲಿ ಪಿಂಡಾರಿ ಮತ್ತು ಮಿಲಾಂ ಎಂಬ ಎರಡು ಹಿಮನದಿಗಳು ನೆಲೆಗೊಂಡಿವೆ.
ಬಾಗೇಶ್ವರ್ ಜಿಲ್ಲೆಯು, ಈ ಹಿಮನದಿಗೆ ಸಾಗುವ ಚಾರಣಕ್ಕೆ ಮೂಲನೆಲೆಯಾಗಿ ಕಾರ್ಯನಿರ್ವಹಿಸುತ್ತದೆ. ಈ ಹಾದಿಯು ಲೋಹರ್ ಖೇಟ್ನಿಂದ ಧಾಕುರಿಗೆ, ಧಾಕುರಿಯಿಂದ ಖಟಿಗೆ, ಅಲ್ಲಿಂದ ದ್ವಾಲಿಗೆ ಈ ಹಾದಿ ಸಾಗುತ್ತದೆ. ದ್ವಾಲಿಯಿಂದ ಬಲಕ್ಕೆ 12 ಕಿ.ಮೀ ಸಾಗುವ ಹಾದಿಯು ಕಫ್ನಿಗೆ ತಲುಪುತ್ತದೆ. ಇದು ಸಮುದ್ರ ಮಟ್ಟದಿಂದ 3810 ಮೀಟರ್ ಎತ್ತರದಲ್ಲಿ ನೆಲೆಗೊಂಡಿದೆ. ಈ ಸ್ಥಳವು ನಂದಾಕೋಟ್ ಮತ್ತು ನಂದಾ ಭನರ್ ಶಿಖರಗಳ ಭವ್ಯ ನೋಟವನ್ನು ಒದಗಿಸುತ್ತದೆ. ಇವುಗಳು ಸಮುದ್ರ ಮಟ್ಟದಿಂದ ಅನುಕ್ರಮವಾಗಿ 6860 ಮೀಟರ್ ಮತ್ತು 6104 ಮೀಟರ್ ಎತ್ತರದಲ್ಲಿ ನೆಲೆಗೊಂಡಿವೆ.