ಕುಲ್ಲುವಿನ ಪ್ರಸಿದ್ಧ ಯಾತ್ರಾಸ್ಥಳವಾಗಿರುವ ಬಿಜಿಲಿ ಮಹಾದೇವ್ ದೇವಾಲಯವು ಬಿಯಸ್ ನದಿಯ ದಂಡೆಯ ಮೇಲೆ ನೆಲೆಗೊಂಡಿದೆ. ಇದು ಮನಾಲಿಗೆ ಸಮೀಪದಲ್ಲಿದೆ. ಸಮುದ್ರ ಮಟ್ಟದಿಂದ 2450 ಮೀಟರ್ ಎತ್ತರದಲ್ಲಿರುವ ಈ ದೇವಾಲಯವು ಲಯಕಾರಕನಾದ ಶಿವನ ದೇವಾಲಯವಾಗಿದೆ. ಈ ದೇವಾಲಯವು ಇಲ್ಲಿನ ಸಾಂಪ್ರದಾಯಿಕವಾದ ಬುಡಕಟ್ಟು ಶೈಲಿಯಾದ ಪಹರಿ ಶೈಲಿಯಲ್ಲಿದೆ. 60 ಅಡಿ ಎತ್ತರವಿರುವ ದಂಡವು ಇಲ್ಲಿ ಹೆಸರುವಾಸಿಯಾಗಿದೆ.
ಸ್ಥಳೀಯರ ಪ್ರಕಾರ ಇಲ್ಲಿರುವ "ಶಿವಲಿಂಗ"ವು ಸಿಡಿಲಿನ ಕಾರಣದಿಂದ ಒಡೆದು ಚೂರಾಯಿತಂತೆ. ಆನಂತರ ದೇವಾಲಯದ ಪೂಜಾರಿಗಳು ಈ ಭಿನ್ನಗೊಂಡ ಲಿಂಗವನ್ನು ಬೆಣ್ಣೆಯಿಂದ ಜೋಡಿಸಿದರಂತೆ. ಈ ಜೋಡಣಾ ಕಾರ್ಯವು ಪ್ರತಿವರ್ಷವು ನಡೆದುಕೊಂಡು ಬರುತ್ತಿದೆ. ಪ್ರವಾಸಿಗರು ಈ ದೇವಾಲಯಕ್ಕೆ ಬರಬೇಕಾದರೆ ಪೈನ್ ಮರಗಳಿಂದ ಕೂಡಿದ ಕಡಿದಾದ ಬೆಟ್ಟವನ್ನು ಏರಿ ಬರಬೇಕಾಗುತ್ತದೆ. ಈ ದೇವಾಲಯದಿಂದ ಪಾರ್ವತಿ ಮತ್ತು ಕುಲ್ಲು ಕಣಿವೆಗಳ ಸುಂದರವಾದ ನೋಟವು ಕಾಣ ಸಿಗುತ್ತದೆ.