ಕ್ಯಾಥರೀನ್ ಎಂಬುವವರ ಹೆಸರು ಈ ಜಲಪಾತಕ್ಕೆ ಬರಲು ಕಾರಣವಾದವರು ಅವರ ಪತಿಯಾದ ಎಮ್.ಡಿ. ಕುಕ್ಬರ್ನ್ ಎಂಬವರು. ಇವರು ಇಲ್ಲಿ(ಈ ಪ್ರದೇಶದಲ್ಲಿ) ಕಾಫಿ ಬೆಳೆಯನ್ನು ಪ್ರಾರಂಭಿಸುವ ಮೂಲಕ ಪ್ರಸಿದ್ಧರಾದರು. ಶ್ರೀ ಮತ್ತು ಶ್ರೀಮತಿ ಕುಕ್ಬರ್ನ್ ದಂಪತಿಗಳು ಇಲ್ಲಿ ತಳವೂರಿದ ಮೊದಲಿಗರು.
ಈ ಜಲಪಾತ 250 ಅಡಿಗಳಿಂದ ನಯನ ಮನೋಹರವಾಗಿ ಬೀಳುವುದನ್ನು ನೋಡಲು ಎರಡು ಕಣ್ಣುಗಳು ಸಾಲದು. ಈ ಜಲಪಾತವನ್ನು ತಲುಪಬೇಕೆಂದರೆ ಮೇಟ್ಟುಪಾಳ್ಯಂ ನಿಂದ ಅರವೇನುಗೆ ಹೋಗುವ ದಾರಿಯಲ್ಲಿ ತೆರಳಬೇಕು. ಜಲಪಾತವನ್ನು ಪೂರಕವಾಗಿ "ಡಾಲ್ಫಿನ್ಸ್ ನೋಸ್" ವೀಕ್ಷಣಾ ಸ್ಥಳದಿಂದ ನೋಡಬಹುದು. ರಸ್ತೆ ಮುಖಾಂತರ ಕೂಡ ಜಲಪಾತದ ಮೇಲ್ಭಾಗವನ್ನು ತಲುಪಬಹುದು. ಕೋತಗಿರಿಯಿಂದ ಕೇವಲ ಐದು ಕಿ.ಮೀ. ದೂರದಲ್ಲಿದೆ.
ಸ್ಥಳೀಯರು ಈ ಜಲಪಾತವನ್ನು "ಗೆಡ್ಡೆಹಾದ ಹಳ್ಳ" ಎಂದು ಕರೆಯುವರು. ಇದು ನೋಡಲೇ ಬೇಕಾದ ಸ್ಥಳ. ಖಾಸಗಿ ವಾಹನವಿರುವವರು ಬಹಳ ಅನುಕೂಲವಾಗಿ ಈ ಜಲಪಾತಕ್ಕೆ ಭೇಟಿನೀಡಬಹುದು.