ಇದು ಹೆಸರೇ ಹೇಳುವಂತೆ ಒಳ್ಳೆಯ ದಟ್ಟಕಾಡುಗಳಿಂದ ಆವೃತವಾಗಿರುವ ನಯನ ಮನೋಹರವಾದ ತಾಣ. ಇಲ್ಲಿ ಭಾರತದಲ್ಲೇ ಅಪರೂಪವಾದ ಕಾಡುಕೋಣ ಮತ್ತು ಹಾರುವ ನರಿ(ಫ್ಲೈಯಿಂಗ್ ಫಾಕ್ಸ್) ಉಂಟು. ಇದು ಹಸಿರುಗಾಡುಗಳಿಂದ ಕೂಡಿದ ಕೋತಗಿರಿಯ ತಾಣ. ಇಲ್ಲಿ ಹಲವು ಜಾತಿಯ ಪ್ರಾಣಿ-ಪಕ್ಷಿಗಳಿಂದ ಕಂಡುಬರುವುದರಿಂದ ಕಾಡಿಗೆ ಹಾಗು ನೀಲಗಿರಿ ಪ್ರದೇಶಕ್ಕೆ ನೈಸರ್ಗಿಕ ಸೊಬಗನ್ನು ತಂದಿದೆ. ಇನ್ನೂ ಹಲವಾರು ಅಪರೂಪದ ಜಾತಿಯ ಪಕ್ಷಿಗಳು ಇಲ್ಲಿ ಕಾಣಬಹುದಾಗಿದ್ದು, ಪಕ್ಷಿವೀಕ್ಷಕರಿಗೆ ಆನಂದ ಕೊಡುವ ಸ್ಥಳ ಇದೆಂದರೆ ತಪ್ಪಾಗಲಾರದು. ವಿಸ್ತೀರ್ಣದಲ್ಲಿ 116 ಹೆಕ್ಟೇರ್ ಇದ್ದು ಚಾರಣಿಗರ ಮೆಚ್ಚಿನ ತಾಣವಾಗಿದೆ. ಸೂಕ್ಷ್ಮವಾದ ವಾತಾವರಣದ ಈ ಕಾಡನ್ನು ಜಾಗೃತೆಯಿಂದ ನೋಡಿಕೊಳ್ಳಲಾಗುತ್ತಿದೆ.