ಕೋನಾರ್ಕನ ಮಾಯಾ ದೇವಿ ದೇವಸ್ಥಾನವು ಸೂರ್ಯ ದೇವಸ್ಥಾನದ ಸಂಕೀರ್ಣದಲ್ಲಿದೆ. ಈ ದೇವಸ್ಥಾನಕ್ಕೆ ಛಾಯಾ ದೇವಿ ದೇವಸ್ಥಾನ ಎಂಬ ಮತ್ತೊಂದು ಹೆಸರಿದೆ. ಆದ್ದರಿಂದ ಈ ದೇವಸ್ಥಾನವು ಛಾಯಾ ದೇವತೆಗೆ ಮೀಸಲಾಗಿದೆ ಎಂದು ನಂಬಲಾಗಿದೆ. ಈ ದೇವಾಲಯವು ಪವಿತ್ರವಾದ ಜಗನ್ಮೋಹನನ ದ್ವಾರ ಮಂಟಪವನ್ನು ಹೊಂದಿದ್ದು, ಇದು ಎತ್ತರವಾದ ವೇದಿಕೆಯ ಮೇಲಿದೆ. ವೇದಿಕೆಯ ಮುಂಭಾಗವು ಅಧ್ಬುತವಾದ ವಾಸ್ತುಶಿಲ್ಪ ಶೈಲಿಯಿಂದ ಕೂಡಿದೆ. ಈ ಪವಿತ್ರ ದ್ವಾರ ಮಂಟಪವನ್ನು ಬಹು ಹಿಂದೆಯೇ ನಾಶಪಡಿಸಲಾಗಿದೆ. ಆದರೆ ಈಗಲೂ ದ್ವಾರ ಮಂಟಪದ ಒಳಾಂಗಣವು ಅತ್ಯುತ್ತಮ ಶಿಲ್ಪ ವಿನ್ಯಾಸಕ್ಕೆ ಉದಾಹರಣೆಯಾಗಿ ನಿಂತಿದೆ. ಆದರೆ ಇಲ್ಲಿ ಯಾವ ದೇವತೆಯನ್ನು ಪ್ರತಿಷ್ಠಾಪಿಸಲಾಗಿಲ್ಲ. ಖೋಂದಲೈಟ ಕಲ್ಲುಗಳು ದೇವಸ್ಥಾನದ ಸಂಕೀರ್ಣವನ್ನು ಸುತ್ತುವರೆದಿವೆ.

ಈ ದೇವಸ್ಥಾನವನ್ನು ಸೂರ್ಯ ದೇವರ ಪತ್ನಿಯರಲ್ಲಿ ಒಬ್ಬರಾದ ಮಾಯಾ ದೇವಿಗೆ ಗೌರವ ಸಲ್ಲಿಸಲು ನಿರ್ಮಿಸಲಾಗಿದೆ ಎಂಬ ನಂಬಿಕೆ ಇಲ್ಲಿನ ಜನರಲ್ಲಿತ್ತು. ಆದರೆ ಈಗ ಇದನ್ನು ಸೂರ್ಯ ದೇವರ ಪುರಾತನ ದೇವಸ್ಥಾನ ಎಂದು ನಂಬಲಾಗಿದೆ. ಸೂರ್ಯ ದೇವಾಲಯಕ್ಕೆ ಭೇಟಿ ಕೊಡುವ ಪ್ರತಿಯೊಬ್ಬ ಪ್ರವಾಸಿಗನು ಈ ಮಾಯಾ ದೇವಿ ದೇವಸ್ಥಾನಕ್ಕೆ ಭೇಟಿ ನೀಡುತ್ತಾನೆ.