ಕೊಹಿಮಾ ಮೃಗಾಲಯ ಅಥವಾ ಝೂಲಾಜಿಕಲ್ ಪಾರ್ಕ್ ರಾಷ್ಟ್ರದಲ್ಲಿ ಅತ್ಯುತ್ತಮವಾಗಿ ನಿರ್ವಹಣೆ ಮಾಡಲ್ಪಡುವ ಮೃಗಾಲಯಗಳಲ್ಲಿ ಒಂದಾಗಿದೆ ಮತ್ತು ನಾಗಾಲ್ಯಾಂಡ್ ಗೆ ಬರುವ ಪ್ರವಾಸಿಗರಿಗೆ ಇದು ಪ್ರಮುಖ ಆಕರ್ಷಣೆ. ಪ್ರಾಕೃತಿಕವಾಗಿ ನಿರ್ಮಾಣವಾಗಿರುವ ಬೆಟ್ಟದ ಮೇಲಿರುವ ಈ ಮೃಗಾಲಯವು ಪ್ರಾಣಿ ಪಕ್ಷಿಗಳಿಗೆ ಅತ್ಯುತ್ತಮ ವಾಸಸ್ಥಾನ. ಬೆಟ್ಟಗಳಲ್ಲಿ ಪರಿವರ್ತನಶೀಲ ರೂಪದಲ್ಲಿ ನಿರ್ಮಾಣವಾಗಿರುವ ಖಾಲಿ ಪ್ರದೇಶಗಳಲ್ಲಿ ಪ್ರಾಣಿಗಳು ವಾಸ ಮಾಡುತ್ತವೆ. ಇದು ಟ್ರೆಕ್ ಗೆ ಯೋಗ್ಯ ಪ್ರದೇಶ ಮತ್ತು ನಾಗಾಲ್ಯಾಂಡ್ ನ ಸಸ್ಯಸಂಪತ್ತು ಮತ್ತು ಪ್ರಾಣಿಸಂಕುಲವನ್ನು ನೋಡಿ ಖುಷಿಪಡಬಹುದು.
ಮೃಗಾಲಯದಲ್ಲಿರುವ ಪ್ರಮುಖ ಆಕರ್ಷಣೆಯೆಂದರೆ ನಾಗಾಲ್ಯಾಂಡ್ ನ ರಾಜ್ಯ ಪಕ್ಷಿಯಾಗಿರುವ ತಲೆಯ ಮೇಲೆ ಕೋಡುಗಳುಳ್ಳ ಏಷ್ಯಾದ ಜೀವಂಜೀವ ಹಕ್ಕಿ. ಇದು ಅಳಿವಿನಂಚಿನಲ್ಲಿರುವ ಪಕ್ಷಿಯಾಗಿದ್ದು, ಕೇವಲ 500 ಮಾತ್ರ ಉಳಿದಿದೆ. ತಲೆಯ ಮೇಲೆ ಕೋಡುಗಳುಳ್ಳ ಏಷ್ಯದ ಜೀವಂಜೀವ ಹಕ್ಕಿಯನ್ನು ಹೊರತುಪಡಿಸಿ ಕೊಹಿಮಾ ಮೃಗಾಲಯದಲ್ಲಿ ನಾಗಾಲ್ಯಾಂಡ್ ನ ರಾಜ್ಯ ಪ್ರಾಣಿಯಾಗಿರುವ ಕಾಡುಕೋಣ ಮಿಥುನವನ್ನುವನ್ನು ಕಾಣಬಹುದು. ಮೃಗಾಲಯದಲ್ಲಿ ಇತರ ಪ್ರಾಣಿಗಳೊಂದಿಗೆ ಪ್ರವಾಸಿಗರು ಗೋಲ್ಡನ್ ಲಂಗೂರ್ ಮತ್ತು ಏಷ್ಯಾಟಿಕ್ ಕಪ್ಪು ಕರಡಿಯನ್ನು ವೀಕ್ಷಿಸಬಹುದು.