ಗ್ರೀನ್ ವ್ಯಾಲಿ ವ್ಯೂ ಅಥವಾ ಸೂಯಿಸೈಡ್ ಪಾಯಿಂಟ್ ಎಂದು ಕರೆಯಲ್ಪಡುವ ಈ ಸ್ಥಳವು ಅತ್ಯಂತ ಆಳವಾದ ಸ್ಥಳವಾಗಿದ್ದು, ಒಂದು ಅಪಾಯಕಾರಿ ತಗ್ಗನ್ನು ಸಹ ಹೊಂದಿದೆ. ಈ ತಗ್ಗು ಸುಮಾರು 5,000 ಅಡಿ ಆಳವಿದೆ. ಈ ಸ್ಥಳವು ಕೊಡೈಕೆನಲ್ ಕೆರೆಯಿಂದ 5.5 ಕಿ.ಮೀ ದೂರದಲ್ಲಿದೆ. ಇಲ್ಲಿಂದ ವೈಗೈ ಜಲಾಶಯದ ನಯನ ಮನೋಹರ ನೋಟವನ್ನು ಕಾಣಬಹುದು. ಇಲ್ಲಿಗೆ ವಿಹಾರಕ್ಕೆಂದು ಬರುವವರಿಗೆ ಮುದ ನೀಡಲು ಅಸಂಖ್ಯಾತ ಕೋತಿಗಳು ಕಾದು ಕುಳಿತಿರುತ್ತವೆ. ಇಲ್ಲಿ ಒಂದು ಮೆಟ್ಟಿಲ ಸಾಲು ಇದ್ದು, ಪ್ರವಾಸಿಗರಿಗೆ ಕೊಳ್ಳಲು ಹಲವಾರು ವಸ್ತುಗಳು ಇಲ್ಲಿ ದೊರೆಯುತ್ತವೆ.
ಪ್ರವಾಸಿಗರು ಇಲ್ಲಿಗೆ ಭೇಟಿ ಕೊಡುವುದಿದ್ದರೆ ಬೆಳಗ್ಗೆ 10 ರಿಂದ ಮಧ್ಯಾಹ್ನ 3 ಗಂಟೆಯ ಒಳಗೆ ಭೇಟಿ ನೀಡುವುದು ಉತ್ತಮ. ಈ ಸಮಯದಲ್ಲಿ ಇಲ್ಲಿ ಸುಂದರ ನೋಟವನ್ನು ನೋಡಬಹುದು. ಈ ಸ್ಥಳವು ವಿಶ್ರಾಂತಿ ಪಡೆಯಲು ಮತ್ತು ಪ್ರಕೃತಿ ಸೌಂದರ್ಯವನ್ನು ಸವಿಯಲು ಅತ್ಯುತ್ತಮ ತಾಣವಾಗಿದೆ.