ಬಿಯರ್ ಶೋಲಾ ಜಲಪಾತವು ಒಂದು ಸಂರಕ್ಷಿತ ಅರಣ್ಯ ಪ್ರದೇಶದಲ್ಲಿ ನೆಲೆಗೊಂಡಿದೆ. ಇದೊಂದು ಎತ್ತರವಾದ ಜಲಪಾತವಾಗಿದ್ದು, ಬಸ್ ನಿಲ್ದಾಣದಿಂದ 3 ಕಿ.ಮೀ ದೂರದಲ್ಲಿ ನೆಲೆಗೊಂಡಿದೆ. ಮೊದಲೆಲ್ಲ ಇಲ್ಲಿಗೆ ಕರಡಿಗಳು ನೀರು ಕುಡಿಯಲು ಬರುತ್ತಿದ್ದವಂತೆ ಹಾಗಾಗಿ ಈ ಸ್ಥಳಕ್ಕೆ ಈ ಹೆಸರು ಬಂದಿತಂತೆ. ಈ ಪ್ರದೇಶವು ಅತ್ಯಂತ ಶುದ್ಧ ಮತ್ತು ಪ್ರಶಾಂತತೆಯಿಂದ ಕೂಡಿದೆ. ಇಲ್ಲಿಗೆ ತಲುಪಲು ಬೆಟ್ಟ ಕಡಿದು ಮಾಡಿದ ಒಂದು ಕಾಲು ಹಾದಿಯನ್ನು ಏರಿ ತಲುಪಬೇಕು. ಜಲಪಾತದ ಈ ತಾಣವು ಪ್ರೇಮಿಗಳಿಗೆ ಹೇಳಿ ಮಾಡಿಸಿದ ತಾಣವಾಗಿದೆ.
ಮಳೆಗಾಲದ ಅವಧಿಯಲ್ಲಿ ಜಲಪಾತವು ಧುಮ್ಮಿಕ್ಕಿ ಹರಿಯುತ್ತಿರುತ್ತದೆ ಹಾಗು ಈ ಸಮಯದಲ್ಲಿ ಈ ಸ್ಥಳವು ಅತ್ಯದ್ಭುತವಾಗಿ ಕಂಗೊಳಿಸುತ್ತಿರುತ್ತದೆ. ಹಾಗಾಗಿ ಈ ಸಮಯವು ಇಲ್ಲಿಗೆ ಭೇಟಿ ಕೊಡಲು ಹೇಳಿ ಮಾಡಿಸಿದ ಸಮಯವಾಗಿದೆ.