ಭಾರತದಲ್ಲಿ ನಿರ್ಮಾಣವಾದ (1503)ಪಿಯನ್ ಚರ್ಚ್ ಎಂದು ಹೆಸರಾದ ಸೇಂಟ್ ಪ್ರಾನ್ಸಿಸ್ ಚರ್ಚ್ ಹಲವು ವಿಶೇಷಗಳ ನೆಲೆಯಾಗಿದೆ. ಹಲವಾರು ಆಕ್ರಮಣಗಳು ಮತ್ತು ಲೆಕ್ಕವಿಲ್ಲದಷ್ಟು ಆಕ್ರಮಣಕಾರಿಗಳು ಹಾಗೂ ಪ್ರವಾಸಿಗರ ವಸಾಹತು ಸ್ಥಾನವಾಗಿ ಗುರುತಿಸಿಕೊಂಡ ಕೊಚ್ಚಿಯಲ್ಲಿ ಈ ನೆಲೆಗೆ ಪ್ರಮುಖ ಸ್ಥಾನವಿದೆ. ಈ ಚರ್ಚು ಕೊಚ್ಚಿ ಬಂದರಿನ ಪಕ್ಕದಲ್ಲಿಯೇ ಇದೆ. ಇನ್ನೊಂದು ಕುತೂಹಲಕಾರಿ ಸಂಗತಿಯೆಂದರೆ, ಪ್ರಖ್ಯಾತ ಪೋರ್ಚುಗೀಸ್ ನಾವಿಕ ವಾಸ್ಕೋ - ಡಿ- ಗಾಮಾ 16 ನೇ ಶತಮಾನದಲ್ಲಿ ತನ್ನ ಅಂತಿಮ ದಿನಗಳನ್ನು ಇಲ್ಲಿಯೇ ಕಳೆದದ್ದು. ನಂತರ ಇಲ್ಲಿಂದ ಆತನ ಮೃತ ದೇಹವನ್ನು ಲಿಸ್ಬನ್ ಗೆ ಸಾಗಿಸಲಾಯಿರತು. ಅದೂ ಕೂಡ ಆತ ಮೃತಪಟ್ಟು ಹದಿನಾಲ್ಕು ವರ್ಷಗಳ ನಂತರ! ಇದೇ ವೇಳೆಗೆ ಈ ಚರ್ಚಿನ ನವೀಕರಣವೂ ನಡೆದಿದ್ದು, 1506 ರಲ್ಲಿ ಫ್ರಾನ್ಸಿಸ್ಕನ್ ಫ್ರಿಯಾರ್ಸ್ ಕಲಾಶೈಲಿ ಮತ್ತು ಇಟ್ಟಿಗೆಗಳನ್ನು ಬಳಸಿ ಕಟ್ಟಡಕ್ಕೆ ಹೊಸ ರೂಪ ನೀಡಲಾಯಿತು. ಈ ಕಾರ್ಯವು 1516 ರಲ್ಲಿ ಪೂರ್ಣಗೊಂಡಿತು.
ಪ್ರೊಟೆಸ್ಟಂಟ್ ಡಚ್ ಆ ಬಳಿಕ ಕೊಚ್ಚಿಯ ಮೇಲೆ ದಂಡೆತ್ತಿ ಬಂದಾಗಲೂ ಈ ರೋಮನ್ ಕ್ಯಾಥೊಲಿಕ್ ಚರ್ಚ್ ನಾಶ ಮಾಡಲಿಲ್ಲ. ಆದರೆ, 1804 ರಲ್ಲಿ ಡಚ್ ಆಂಗ್ಲಿಕನ್ನರು ಚರ್ಚ್ ಮೇಲೆ ನಿಯಂತ್ರಣಸಾಧಿಸಿದರು. ಬಳಿಕ ಈ ಚರ್ಚನ್ನು ಸೇಂಟ್ ಫ್ರಾನ್ಸಿಸ್ ಗೆ ಸಮರ್ಪಿಸಲಾಯಿತು.