1870 ರಲ್ಲಿ ನಿರ್ಮಿಸಲಾದ ಫೂಲ್ ಮಹಲ್, ಅಂದಿನ ಕಿಶನ್ಗಡ್ ಮಹಾರಾಜರ ರಾಜಾರಮನೆಯಾಗಿತ್ತು. ನಗರದ ಕೇಂದ್ರ ಭಾಗದಲ್ಲಿ ನೆಲೆಸಿರುವ ಈ ಪ್ಯಾಲೇಸ್ ಇಂದು ಪ್ರವಾಸಿಗರಿಗೆಂದು ಹೋಟೆಲ್ ಆಗಿ ಪರಿವರ್ತಿತಗೊಂಡಿದ್ದು, ಎಲ್ಲಾ ಆಧುನಿಕ ಸೌಲಭ್ಯಗಳನ್ನು ಒಳಗೊಂಡಿದೆ.ಹೋಟೆಲ್ ನ ಕೊಠಡಿಗಳು ಸುಂದರವಾದ ವರ್ಣಚಿತ್ರಗಳಿಂದ ಸಿಂಗರಿಸಲ್ಪಟ್ಟಿದ್ದು, ಹಿಂದಿನ ರಾಜವಂಶದ ಮತ್ತು ಬ್ರಿಟೀಷರ ಕಾಲದ ಪೀಠೊಪಕರಣಗಳಿರುವುದನ್ನು ಗಮನಿಸಬಹುದಾಗಿದೆ. ಅತಿಥಿಗಳು ಇಲ್ಲಿ, ಭಾರತೀಯ, ಚಿನೀಯ ಮತ್ತು ಪಾಶ್ಚಿಮಾತ್ಯದ ಖಾದ್ಯಗಳನ್ನು ಆಸ್ವಾದಿಸಬಹುದಾಗಿದೆ.ಕೃತಕ ಕೊಳ ಮತ್ತು ಸುಂದರವಾದ ಗಾರ್ಡನ್ ಈ ಸ್ಥಳದ ಸೊಬಗನ್ನು ಮತ್ತಷ್ಟು ಹೆಚ್ಚಿಸುತ್ತದೆ. ಅತಿಥಿಗಳಿಗೆಂದು, ಗ್ರಂಥಾಲಯ, ಜಾಗ್ಗಿಂಗ್ ಟ್ರ್ಯಾಕ್ಸ್ ಮತ್ತು ಲಾಂಡ್ರಿ ಸೇವೆಗಳು ಈ ಹೋಟೆಲ್ ನಲ್ಲಿ ಲಭ್ಯವಿದೆ.ಪ್ರವಾಸಿಗರು ಈ ಹೋಟೆಲ್ ನಲ್ಲಿ ರಾಜಸ್ಥಾನಿ ಶೈಲಿಯ ಸಂಗೀತ, ನೃತ್ಯ ಮತ್ತು ಕಲೆಯ ಅನುಭವವನ್ನು ಪಡೆಯಬಹುದಾಗಿದೆ. ಉತ್ಸುಕಭರಿತ ಪ್ರವಾಸಿಗರಿಗೆ, ಪ್ರತಿ ದಿನ ಯೋಗ ತರಬೇತಿಯನ್ನೂ ಸಹ ಇಲ್ಲಿ ನೀಡಲಾಗುತ್ತದೆ. ಇಷ್ಟೆಲ್ಲ ವೈವಿಧ್ಯತೆಗಳನ್ನೊಳಗೊಂಡ, ಕಿಶನ್ಗಡ್ ನ ಈ ಹೋಟೆಲ್, ಭೇಟಿ ನೀಡಲೇ ಬೇಕಾದ ಒಂದು ಸ್ಥಳವಾಗಿದೆ.