ಚಂಡಿಕಾ ದೇವಾಲಯ ಕಿನ್ನೌರ್ ನ ಕೋಠಿ ಹಳ್ಳಿಯಲ್ಲಿ ಇದೆ. ಇದನ್ನು ಶುವಾಂಗ್ ಚಂಡಿಕಾ ಎಂದೂ ಕರೆಯಲಾಗುತ್ತಿದ್ದು, ಈ ದೇವಿಯು ಸ್ಥಳೀಯರ ಶಕ್ತಿಕೇಂದ್ರವಾಗಿ ಗುರುತಿಸಿಕೊಂಡಿದ್ದಾಳೆ. ದೇವತೆಯ ವಿಗ್ರಹವನ್ನು ಚಿನ್ನದಿಂದ ಮಾಡಲಾಗಿದ್ದು, ಕಮಾನೊಂದರ ಮೇಲೆ ಸ್ಥಾಪನೆಯಾಗಿದೆ. ಪೂಜೆಯ ವೇಳೆಗೆ ನಾಲ್ಕು ಜನರು ಈ ಮೂರ್ತಿಯನ್ನು ಎತ್ತಿಕೊಂಡು ನೃತ್ಯ ಮಾಡುವ ಪದ್ಧತಿ ರೂಢಿಯಲ್ಲಿದೆ.
ಒಂದು ದಂತಕಥೆಯ ಪ್ರಕಾರ, ಚಂಡಿಕಾ ರಾಕ್ಷಸ 'ದೇವತೆ' ಅಥವಾ ರಾಕ್ಷಸ ರಾಜ ಬಾಣಾಸುರನ 18 ಮಕ್ಕಳಲ್ಲಿ ಒಬ್ಬಳು. ಕಿನ್ನೌರ್ ಪ್ರದೇಶವನ್ನು ಬಾಣಾಸುರನು ಪಾಲಿಸುತ್ತಿದ್ದರೆ, ಕಿನ್ನೌರ್ ನ ಹೃದಯವೆಂದೆ ಖ್ಯಾತವಾದ ಸೈರಾಗ್ ಅನ್ನು ಚಂಡಿಕಾಳು ಪಾಲಿಸುತ್ತಿದ್ದಳು. ಹೀಗಿರುವಾಗ ಒಮ್ಮೆ ಚಂಡಿಕಾ ತನ್ನ ಸಹೋದರನಾದ ಚಾಗೋನ್ ಮಹೇಶ್ವರನ ಸಹಾಯದಿಂದ ದೈತ್ಯನ ಜೊತೆ ಯುದ್ಧ ಮಾಡಿ ಈ ಪ್ರದೇಶದಲ್ಲಿ ತನ್ನ ಪ್ರಭುತ್ವವನ್ನು ಸಾಧಿಸಿದಳು.